Nyamasheke: Gitifu w’ akagari akurikiranyweho kunyereza amafaranga 2400

Amakuru   Yanditwe na: 18 March 2017 Yasuwe: 3213

Umunyamabanga nshingwabikorwa w’akagari ka Banda mu murenge wa Rangiro,mu karere ka Nyamasheke ari mu maboko ya polisi kuri sitasiyo ya Kanjongo akurikiranweho amafaranga 2400 yahawe n’abaturage babiri.

Umuyobozi w’ako karere, Kamari Aimé Fabien yabwiye Imvaho ko abo baturage bamusabaga ibyangombwa by’inzira aho kubibaha akayigumanira kugeza ubwo bakererewe ibyari bibajyanye bikaburizwamo, uwo muyobozi akurikiranwe n’ubutabera ngo harebwe niba yari afite koko ubushake bwo kuyanyereza cyangwa niba hari zindi mpamvu zabimuteye.

Kamari avuga ko kugira ngo umuntu abone icyo cyangombwa hari amafaranga 1200 agomba kubanza kwishyura agahabwa gitansi imwemerera kugihabwa, ariko abo bo barayamuhaye ntiyabaha gitansi, ntiyanayajyana aho agomba kujya ahubwo arayitwarira kugeza ubwo ba nyirayo babisakuje arinda atabwa muri yombi.

Yagize ati “Ni byo koko,uyu muyobozi ari mu maboko ya polisi, sitasiyo ya Kanjongo akurikiranweho kwigwizaho indonke kubera ariya mafaranga y’abaturage bamuhaye nk’aho yabahaye srivisi agomba kubaha akabasiragiza amafaranga akayigumanira, gusa akimara gufatwa yahise ayemera, yemera no kuyasubiza ariko byabaye impitagihe kuko atari yayashyize aho agomba kujya mbere ngo na we atange iyi gitansi, akaba akurikiranwe ngo barebe impamvu nyayo yanze kubaha uburenganzira bwabo no kuyashyira kuri konti yagombaga kuyashyiraho.’’

Yakomeje agira ati’’ Nibasanga icyaha kimuhama azahanwa nk’uwanyereje ibya Leta wese, nagirwa umwere azasubizwa mu kazi ke, ariko ingeso yo kurya iby’abaturage yo igomba gucika n’ubwo warya amafaranga 500 y’umuturage ntugomba kwihanganirwa.’’

Meya Kamari yasabye abayobozi aho bava bakagera kwirinda kurya ibyo batavunikiye,n ’uwibwira ko narya duke bazamureka ko yibeshya, cyangwa ushaka gukerereza abaturage kuri serivisi bamwaka ngo babanze bamuhe ruswa abahe ibyo bemererwa n’amategeko kuko uwo ari we wese azahita afungwa agahanwa.

Atawe muri yombi ataramara amezi atatu ayobora ako kagari kuko yakuwe mu kandi kagari nyuma y’uko hari hashize amezi make abandi bagitifu b’utugari 19 basezeye ku mirimo yabo ku mpamvu zabo bwite ariko ubuyobozi bukavuga ko bifitanye isano no kutanoza serivisi bagombye guha abaturage.

Mbere yaho ushinzwe iterambere n’imibereho myiza y’abaturage mu kagari kamwe ko mu murenge wa Gihombo na we yari yatawe muri yombi azira kwaka abaturage batagira aho baba amafaranga ababeshya ko ari ayo kujya kubazanira amabati ngo bubakirwe, icyakora uyu we akaba yarafunguwe agasubira mu kazi ke.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kigali: Umugabo yishe umugore we amushyingura mu rugo ahatera...

Kuri uyu wa 17 Ukwakira 2017 i Remera mu Karere ka Gasabo Akagari ka...
17 October 2017 Yasuwe: 5223 2

Nyabarongo: Nyuma y’ingona yishwe igatwika hishwe n’izindi ebyili

Nyuma y’uko inzego z’umutekano ziteze zikanica ingona mu ruzi rwa Nyabarongo...
15 October 2017 Yasuwe: 5218 0

Rubavu/ Rugerero: Batewe ubwoba n’ ikiraro giherutse guhitana umwana w’...

Abuturage bafite ubwoba ko ikiraro cya Dobogo cyaridutse mu mezi arindwi...
15 October 2017 Yasuwe: 1760 0

Gisagara :Umugore aravuga ko umugabo we amukubita akabeshyera...

Alexia Tuyishimire umaranye imyaka isaga umunani n’umugabo we avuga ko...
15 October 2017 Yasuwe: 4696 6

Karongi: Umusore yishyikirije Polisi nyuma yo kwicisha mugenzi we...

Polisi yo mu Karere ka Karongi yataye muri yombi umusore ushinjwa kwica...
14 October 2017 Yasuwe: 1096 1

Abantu 44 nibo bamaze guhitanwa n’impanuka zo mu muhanda mu mezi 9 ya...

Umuyobozi mukuru wa Polisi y’igihugu CG Emmanuel GASANA arahamagarira...
12 October 2017 Yasuwe: 283 0