startimes

Rusizi: Abaturage basabwe kumenya icyinjiye n’igisohotse mu ishyamba rya Nyungwe

Amakuru   Yanditswe na: Dusingizimana Remy 16 November 2019 Yasuwe: 2268

Mu ijoro ryo kuwa Kane rishyira kuwa Gatanu tariki 8 Ugushyingo 2019 mu kagari ka Ninzi ko mu murenge wa Bweyeye abantu batamenyekanye bahagabye igitero.



Abaturage bo muri aka kagari bavuga ko bagiye kumva bumva habayeho kurasana, amasasu avuga ari menshi bimara igihe kingana n’isaha n’iminota mirongo itatu.Aba baturage bavuga ko kubera ubwoba bwinshi bari bafite ntawigeze asohoka hanze gusa ngo ingabo z’u Rwanda zikorera muri ako gace zasakiranye n’abo bantu biza guhosha nta muturage uhakomerekeye cyangwa ngo ahasige ubuzima.

Umuyobozi w’ingabo mu ntara y’uburengerazuba Maj Gen Alexis Kagame yabwiye abaturage ba Bweyeye ko ibitero byose byagiye bigabwa muri aka gace bitageze ku ntego yabyo kuko ngo byagiye biburizwamo ku bufatanye bw’ingabo n’abaturage.

Alexis Kagame yakomeje avuga ko igitero giheruka cyagabwe n’abari baturutse mu gihugu cy’igituranyi bambukira mu kiyaga cya Kivu baca mu karere ka Nyamasheke bajya mu ishamba rya Nyungwe gusa ngo aho baciye hose ibyo bagambiriye ntibyagezweho kuko baje gukomereza mu murenge wa Bweyeye bakiba amatungo n’imyaka by’abaturage ariko bakabibatesha.

Ikindi ngo ari nacyo cyagabwe mu cyumweru gishize abakigabye nabo ntibageze ku ntego yabo,uyu muyobozi w’ingabo muri iyi ntara yasabye abaturage kuba maso ndetse anabashimira ko hari bamwe mu bagizi ba nabi bagiye bafatwa n’aba baturage ubwabo.

Guverineri w’intara y’uburengerazuba, Munyantwali Alphonse, wari waje gusura aba baturage ari kumwe n’umuyobozi w’ingabo ndetse n’umuyobozi wa Polisi muri iyi ntara, yabwiye abaturage ko bari baje kubahumuriza ndetse no kubereka ko icyaba cyose Leta ibazirikana.

Munyantwali yibukije abaturage ko ari bo bakwiye kwicungira umutekano ndetse abasaba ko igihe cyose bakwiye kumenya uwinjiye n’usohotse mu ishyamba rya Nyungwe baturanye.

Umurenge wa Bweyeye ugizwe n’utugari 5 twose dukora ku ishyamba rya Nyungwe abawutuye bavuga ko bamaze gukanguka ndetse banakaza amarondo bakaba bavuga ko biteguye kwicungira umutekano ndetse bakanahangana n’uwo ari we wese washaka kuwubabuza.

Inkuru ya RADIOTV1

Photo :Internet

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble

    nkatwe nkaba turage tugomba kuba maso kugirango hatagira utwinjyirana

    December 2019
  • chat_bubble

    nkatwe nkaba turage tugomba kuba maso kugirango hatagira utwinjyirana

    December 2019

Inzindi nkuru

Nyanza: Umusore yasanzwe mu ishyamba ry’Abapadiri yishwe urubozo

Umusore witwa Mundanikure Léo wo mu Murenge wa Nyagisozi mu Karere ka...
11 July 2020 Yasuwe: 3092 0

Perezida Kagame yazamuriye amapeti abasirikare babiri bakuru

Perezida Kagame akaba n’Umugaba w’Ikirenga w’Ingabo z’u Rwanda, yazamuye mu...
9 July 2020 Yasuwe: 3435 0

Nyagatare: Polisi yataye muri yombi abantu 49 bari bateraniye mu nzu...

Ku makuru yatanzwe n’abaturage bo mu karere ka Nyagatare mu murenge wa...
9 July 2020 Yasuwe: 1221 0

UPDATE:Polisi yafashe za mfungwa zose zari zatorotse aho zavurirwaga...

Imfungwa 4 zari zaraye zitorotse ikigo zavurirwagamo Covid-19 mu murenge wa...
9 July 2020 Yasuwe: 3453 0

Gisagara: Umugabo yatemye umugore we aramwica amuziza kumwima amafaranga yo...

Umugabo witwa Nkurabanga Laurent uri mu kigero cy’imyaka imyaka 48 yishe uwo...
9 July 2020 Yasuwe: 1092 1

RDF yasezereye abasirikare 1039 basoje amasezerano abandi 410 bajya mu...

Kuri uyu wa Mbere tariki ya 06 Nyakanga 2020, RDF,yakoze umuhango wo...
7 July 2020 Yasuwe: 4475 1