Kigali

Dore amateka y’uyu munsi wahariwe abakundana

Amakuru   Yanditswe na: Martin Munezero 14 February 2020 Yasuwe: 1127

Umunsi w’abakundana witiriwe Saint Valentin wizihizwa tariki 14 Gashyantare buri mwaka. Uwo munsi urangwa n’uko abakundana bibuka urukundo rwabo basangira, basohokana cyane cyane bahana impano zitandukanye ziganjemo indabyo.



Umunsi wa Saint Valentin wakomotse ku mupadiri w’Umunyaromani witwa Valentin wabayeho ku gihe cy’umwami w’abami Claudius II ahagana mu myaka 269 n’i 273 mbere y’ivuka rya Yezu kiristu. Muri icyo gihe, tariki ya 14 Gashyantare habaga umunsi mukuru wo kwihiza umunsi w’umwamikazi Juno wafatwaga nk’imana y’abagore.

Kuri uwo munsi, abasore bandika amazina y’abakobwa bari mu kigero kimwe bakayashyira mu kintu, umusore yazamura izina ry’umukobwa guhera ubwo akamuherekeza bakajya kwizihiriza uwo munsi hamwe.

Ngo ibyo byatumaga abakobwa bahura n’abasore kuko mbere byabaga bibujije, ubucuti bwabo bugakomera bukava no kubana ubuziraherezo.

Ku ngoma ya Claudius igihugu cye cyaje kugarizwa n’intambara zikomeye, agira ikibazo cy’abasirikare bagomba kurwanira igihugu kubera ko abagabo bakiri batoya bangaga gusiga abagore babo ngo bajye ku rugamba.

Umwami Claudius yafashe icyemezo cyo guhagarika gushaka, ariko Saint Valentin ntiyabyakira neza. Afatanyije na Saint Marius batangira gusezeranya abantu bashaka kubana mu ibanga. Amakuru yageze ku mwami Claudius ararakara ategeka ko Padiri Valentin afatwa agafungwa.

Padiri Valentin yarafunzwe, akatirwa urwo gupfa akubiswe amahiri akanacibwa umutwe. Ngo igihe yarategereje iherezo rye, abantu bazanaga indabyo n’ubutumwa bwo kumukomeza bakazinyuza mu idirishya.

Uyu munsi uvugwaho byinshi. Hari n’abavuga ko ubwo Valentin yari afunzwe, umukobwa w’umucungagereza yakomeje kumuba hafi, amusura kugeza igihe cyo kunyongwa. Uwo mukobwa yari afite ubumuga bwo kutabona, ariko ibitangaza byabaye mu gihe yasengeraga Valentin yongeye kureba.

Ubwo haburaga umunsi umwe ngo Valentin anyongwe, bivugwa ko yanditse ku ruparuro amagambo agira ati: “Love from your Valentine” ni ukuvuga “urukundo rwa Valentin wawe” amushimira urukundo n’ubudahemuka yamugaragarije.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


  • chat_bubble sezikeye

    Saint Valentin ni akazina keza.Uyu munsi wizihizwa na millions nyinshi z’abantu.Ariko ikibabaje nuko abawizihiza benshi ari abantu batashakanye,ahubwo ari abantu baba bashaka kwishimisha mu busambanyi,nyamara imana yaturemye ibitubuza.Muli iyi minsi y’imperuka nkuko bibiliya ivuga,gusambana bisigaye ari umukino.Nubwo imana ibitubuza,babyita gukundana.Urukundo Imana idusaba ntabwo ari ukuryamana n’uwo mutashakanye.Ahubwo irabitubuza.Nubwo bikundwa n’abantu benshi,Imana yashyizeho umunsi wo kuzabarimbura,hamwe n’abandi bose bakora ibyo itubuza.Kwishimisha ukora ibyo Imana ikubuza,ni ukutagira ubwenge,kubera ko bizakubuza kuba muli paradizo iteka ryose.

    1 week ago

Inzindi nkuru

Umuhanzi Alpha Blondy yasezeranye imbere y’Imana n’umunya-Tuniziya usanzwe...

Umuhanzi Seydou Koné wamamaye nka Alpha Blondy mu muziki wa Côte d’Ivoire...
23 February 2020 Yasuwe: 2052 0

Dore amateka y’uyu munsi wahariwe abakundana

Umunsi w’abakundana witiriwe Saint Valentin wizihizwa tariki 14 Gashyantare...
14 February 2020 Yasuwe: 1127 1

Umukobwa w’umuherwe Bill Gates w’imyaka 23 yegukanwe n’umwarabu[AMAFOTO]

Umunya-Misiri witwa Nayel Nassar w’imyaka 28 y’amavuko yambitse impeta...
31 January 2020 Yasuwe: 8685 1

80% by’abari hagati y’imyaka 18-33 bababazwa n’abo bakunda

Kwangwa n’umukunzi wawe utabwiwe impamvu, benshi bavuga ko biterwa...
27 January 2020 Yasuwe: 1311 1

Dore uburyo warwanyamo indwara yo gufuha

Hagati y’abantu bakundana hakunze kugaragaramo akantu ko gufuha hagati yabo...
27 January 2020 Yasuwe: 3521 0

Barack Obama yatomaguye umugore we Michelle Obama maze ababakurikirana ku...

Uwahoze ari Perezida wa Leta zunze ubumwe za amerika Barack Obama,...
18 January 2020 Yasuwe: 5703 0