Kigali

Abajura bitwaje intwaro binjiye mu rugo rwa rutahizamu Alvaro Morata basiga umugore we yahungabanye

Imikino   Yanditswe na: Dusingizimana Remy 10 June 2019 Yasuwe: 2808

Abajura bari bitwaje intwaro binjiye mu nzu rutahizamu wa Chelsea,Alvaro Morata n’umugore we Alice Campello batuyemo,biba imitako itandukanye,amasaha ndetse n’amafaranga aho basize uyu mugore n’umukozi bahungabanye kubera kubatunga imbunda.

Mu ijoro ryo kuwa Gatanu w’icyumweru gishize, nibwo aba bajura babiri bari bitwaje intwaro binjiye mu rugo rwa Alvaro Morata,basangamo umugore we n’umukozi urera abana,babatunga imbunda barangije batwara imitungo yabo.

Uyu rutahizamu w’imyaka 26 wari witabiriye umukino ikipe y’igihugu ya Espagne yatsinzemo Faroe Islands ibitego 4-1 mu gushaka itike ya Euro 2020,yagarutse imuhira asanga bamwibye ndetse n’umugore we yahungabanye we n’umukozi wabo ubarerera impanga zabo.

Polisi yabwiye ibitangazamakuru byo muri Espagne ko ibi bisambo bibiri byari byitwaje intwaro byinjiye mu nzu ya Morata binyuze mu idirisha ryo hejuru gusa ngo ntibyigeze bigira uwo bihohotera hagati y’umugore we Alice Campello,umukozi we n’abana babo babiri.Ibi bisambo biri guhigwa bukware na polisi.

Morata yabwiwe iby’ubu bujura bwakorewe urugo rwe nyuma y’umukino ahita ajya kureba umuryango we.

Si ubwa mbere ibisambo byinjiye mu mazu y’abakinnyi bakina muri Espagne iyo bizi ko bagiye gukina, kuko umukinnyi Arthur Melo aherutse guterwa n’amabandi yakomerekeje umuvandimwe ndetse ibi bisabyo byibye Kevin Prince Boateng na Pique.


Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rayon Sports na APR FC ziri mu makipe yabonye ibyangombwa byo gukina...

Ishyirahamwe ry’umupira w’amaguru mu Rwanda,FERWAFA,ryemeje ko amakipe 11...
14 September 2019 Yasuwe: 1839 0

Marcus Rashford yatangaje itandukaniro rikomeye riri hagati ya Jose...

Rutahizamu ukiri muto wa Manchester United witwa Marcus Rashford yatangaje...
14 September 2019 Yasuwe: 2124 0

Kimenyi Yves yamenweho imvura y’amafaranga n’abafana bimutera ikiniga...

Umunyezamu wa Rayon Sports,Kimenyi Yves waraye ubaye intwari mu mukino wa ½...
14 September 2019 Yasuwe: 5212 0

Kimenyi Yves yafashije Rayon Sports kubona itike iyerekeza ku gutwara...

Umunyezamu Kimenyi Yves wa Rayon Sports utari uzwiho gukuramo penaliti...
13 September 2019 Yasuwe: 6171 0

Bikorimana Gerrard yafashije Mukura VS gusezerera APR FC mu gikombe...

Umunyezamu wahoze muri Rayon Sports Bikorimana Gerrard afashije ikipe ye...
13 September 2019 Yasuwe: 4287 0

Irambona Eric umukinnyi umaze imyaka myinshi mu ikipe ya Rayon Sports...

Myugariro ukina ku ruhande rw’ibumoso mu ikipe ya Rayon Sports, Irambona...
13 September 2019 Yasuwe: 3896 0