Ikipe ya Manchester United nyuma yo gutsinda bigoranye ikipe ya Southampton ibitego 3-2 ku umukino wa nyuma wa English Football League(EFL) yegukanye igikombe ndetse kiba igikombe cya gatanu cya EFL iyi kipe yegukanye.
Umukino wabereye kuri Stade ya Wembley kuri uyu wa gatandatu tariki ya 26 Gashyantare 2017, utangira ku isaha ya saa 18;30’, n’ubwo ikipe ya Manchester United itwaye iki gikombe yarushijwe bigaragara n’ikipe ya Southampton.
Manchester United niyo yafunguye amazamu hakiri kare (...)

Sponsored Ad

Ikipe ya Manchester United nyuma yo gutsinda bigoranye ikipe ya Southampton ibitego 3-2 ku umukino wa nyuma wa English Football League(EFL) yegukanye igikombe ndetse kiba igikombe cya gatanu cya EFL iyi kipe yegukanye.

Umukino wabereye kuri Stade ya Wembley kuri uyu wa gatandatu tariki ya 26 Gashyantare 2017, utangira ku isaha ya saa 18;30’, n’ubwo ikipe ya Manchester United itwaye iki gikombe yarushijwe bigaragara n’ikipe ya Southampton.

Manchester United niyo yafunguye amazamu hakiri kare ku umunota wa 19, Zlantan yatsinze igitego cya mbere kuri coup-franc. Ku umunota wa 38 Lingard yaje kubona igitego cya kabiri.

Igitego cya Zlatan cyatumye abakunzi ba Southampton barara bababaye.

Lingard atsinda igitego cya kabiri cya Man U

Hasigaye amasegonda ngo igice cya mbere kirangire, ku umunota wa 45 rutahizamu wa Southampton Manolo Gabbiadini, kuburangare bwa bamyugariro ba Man U yatsinze igitego cya mbere. Amakipe akiva kuruhuka ku umunota wa 48 na none ku burangare bw’abinyuma ba Man U uyu musore yaje gutsinda igitego cya kabiri amakipe yombi aba anganyije 2-2.

Gabbidiani wa Southampton wahindukije De Gea inshuro 2 zose

Amakipe yakomeje gukina ariko ikipe ya Southampton ikomeza kurusha Manchester United. Amakipe yombi yakoze impinduka umutoza wa Southampton akuramo Manolo Gabbiadini wari umaze kumutsindira ibitego 2, ari nako Mourinho akuramo Lingard yinjizamo Rashford.

Ku umunota wa 87 ku umupira wari uturutse kuri Martial ugahindurwa neza imbere y’izamu na Ander Herrera, Zlatan yatsinze igitego cya gatatu cya Manchester United ndetse n’umukino uba ari ko urangira ku ibitego 3 bya Man U kuri 2 bya Southampton, iba inayitwaye igikombe ityo.

Iki gikombe kibaye igikombe cya 5 cya EFL Manchester United itwaye nyuma yibyo yatwaye mu 1992, 2006, 2009, 2010 n’iki cya 2017.