Kigali

Cristiano Ronaldo ari gushakisha bikomeye abakobwa bamuhaye umugati ashonje cyane kugira ngo abiture

Imikino   Yanditswe na: Dusingizimana Remy 18 September 2019 Yasuwe: 5357

Rutahizamu Cristiano Ronaldo wa Juventus,ari gushaka bikomeye abakobwa batatu barimo umwe yibuka witwa Edna bamuhaye umugati ashonje cyane mu mujyi wa Lisbon afite imyaka 11 kugira ngo abagirire neza.

Uyu rutahizamu w’imyaka 34 ukinira Juventus yabwiye ITV ko ubwo yari afite imyaka 11 ari mu mujyi wa Lisbon we na bagenzi be bakinanaga mu ikipe y’abana ya Sporting CP, bakubiswe n’inzara bajya gukomanga kuri restora yari hafi y’ikibuga basaba imigati [burgers] yasigaye,umukobwa witwa Edna na bagenzi be baramugaburira none ubu yarababuze ngo abagirire neza.

Yagize ati “Nkiri umwana mfite imyaka 11 cyangwa 12 nta mafaranga twari dufite.Twabaga hamwe nk’abakinnyi mu mujyi wa Lisbon.Nahuraga n’umuryango wanjye I madeira nyuma y’amezi 3 byari bigoye.Byari bigoye kubaho nta muryango.

Umunsi umwe ari nijoro hagati ya saa yine n’igice na saa tanu,twarashonje.Twari duturanye na resitora [McDonald’s restaurant] hafi ya stade aho twari dutuye.Twakundaga guca ku muryango w’inyuma wayo tugakomanga tuti “Nta migati [burgers] yasigaye?”.

Edna n’abandi bakobwa babiri bari batangaje cyane.Ntabwo ndongera kubabona kubera ko iyo resitora yarafunze.Navuganye n’abantu bo muri Portugal ngo banshakire abo bakobwa barababuze.

Ndatekereza ko nibura iki kiganiro kiragera kure nkazabona aba bakobwa.Nzishima cyane nimbabona kuko ndashaka kubatumira I Turin cyangwa I Lisbon kugira ngo dusangire.

Ndashaka kubona aba bakobwa nanjye mbiture ineza bangiriye kuko icyo gihe narishimye cyane.Ntabwo nzibagirwa icyo gihe.”

Ibi Cristiano Ronaldo yabitangarije mu kiganiro kirekire yagiranye na Piers Morgan ukorera ITV ndetse yasabye ubufasha ngo uzi Edna na bagenzi be azababwire ko abashaka.


Cristiano yarangishije Edna na bagenzi be ngo abiture ineza bamugiriye

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Lionel Messi yashyikirijwe urukweto rwa zahabu rwa 6 nyuma yo guca agahigo...

Lionel Messi, Kapiteni w’ikipe ya FC Barcelona yo muri Espagne,...
16 October 2019 Yasuwe: 444 0

Eden Hazard yahaye ubutumwa bukomeye abafana ba Real Madrid bamaze iminsi...

Rutahizamu mushya wa Real Madrid,Eden Hazard yabwiye abafana b’iyi kipe...
16 October 2019 Yasuwe: 2077 0

Rutanga Eric ari gushakisha umwana wafotowe yambaye umupira ucitse uriho...

Kapiteni wa Rayon Sports,Rutanga Eric arifuza guhura n’umwana wagaragaye ku...
16 October 2019 Yasuwe: 4352 0

Umutoza uhabwa amahirwe menshi yo gutoza ikipe ya Manchester United...

Nta muntu ukurikira umupira utabona ko umutoza wa Manchester United witwa...
16 October 2019 Yasuwe: 3945 0

Real Madrid yiyemeje gutanga akayabo na James Rodriguez kugira ngo ihaze...

Ikipe ya Real Madrid itarabasha kwiyubaka ku rwego umutoza wayo Zinedine...
16 October 2019 Yasuwe: 2933 0

Umunyarwanda Hitimana agiye guhagarikwa kubera Imiti imwongerera imbaraga...

Umunyarwanda Hitimana Noël usiganwa ku maguru ku ntera ndende, agiye...
15 October 2019 Yasuwe: 1941 0