Rutahizamu Cristiano Ronaldo ukinira ikipe ya Juventus,yaraye atsinze igitego ikipe ya Genoa mu mukino banganyijemo igitego 1-1,bituma aca agahigo ko kuba umukinnyi wa mbere utsinze ibitego 400 mu mashampiyona 5 akomeye I Burayi.

Sponsored Ad

Igitego Ronaldo yaraye atsinze Genoa ni icya 5 atsinze muri Serie A mu mikino 10 amaze gukinira Juventus nyuma yo kuyerekezamo avuye muri Real Madrid aguzwe akayabo ka miliyoni 100 z’amapawundi.

Cristiano Ronaldo yaraye atsinze igitego cya 400 mu mashampiyona yose yakinnyemo

Ibi bitego 5 amaze gutsinda byiyongera kuri 84 yatsindiye Manchester United muri Premier League,311 yatsindiye ikipe ya Real Madrid.

Cristiano Ronaldo umaze guca uduhigo twinshi,ararusha ibitego 10 ku rutonde rw’abamaze gutsinda ibitego byinshi mu ma shampiyona Lionel Messi, waraye avunikiye mu mukino FC Barcelona yanyagiyemo Sevilla ibitego 4-2.

Juventus yaraye itakaje amnota ya mbere muri uyu mwaka w’imikino dore ko yaba muri Serie A na UEFA Champions itaratsindwa.