Kigali

Kiyovu Sports yiyongereye amahirwe yo kongera kugera ku mukino wa nyuma w’igikombe cy’Amahoro

Imikino   Yanditswe na: Dusingizimana Remy 27 June 2019 Yasuwe: 2071

Ikipe ya Kiyovu Sports yongeye kwereka abakunzi bayo ko ikiri ubukombe nyuma yo gutsinda Police FC ibitego 2-0 mu mukino ubanza wa ½ w’igikombe cy’Amahoro wabereye kuri stade ya Kigali I Nyamirambo.



Kiyovu Sports iheruka igikombe cy’Amahoro mu mwaka wa 1985 yiyongereye amahirwe yo kugera ku mukino wa nyuma w’igikombe cy’uyu mwaka nyuma yo gutsinda Police FC ibitego 2-0 mu mukino ubanza wa ½ , ibifashijwemo na Habamahoro Vincent na Ghislain Armel.

Kiyovu Sports yari yakiriye uyu mukino, yafunguye amazamu ku munota wa 58, ku gitego cyatsinzwe na Habamahoro Vincent n’umutwe kuri coup franc yatewe na Kalisa Rashid.

Kiyovu Sports yitwaye neza uyu mwaka ugereranyije n’ishije, yabonye penaliti ku munota wa 75 nyuma y’ikosa rikomeye Mitima Isaac yakoreye kuri Nizeyimana Djuma mu rubuga rw’amahina bituma uyu rutahizamu asohorwa mu kibuga ari ku ngobyi kuko yababaye cyane.

Iyi penaliti yatewe neza na Ghislain Armel, umunyezamu Bwanakweli ntiyamenya aho umupira uciye, bifasha ikipe ya Kiyovu Sports gucyura intsinzi ku bitego 2-0, ndetse biyiha n’icyizere cyinshi cyo kuba yasezerera Police FC mu mukino wo kwishyura uzaba ku Cyumweru ku Kicukiro.

Nubwo Kiyovu Sports ari ubukombe mu Rwanda,iheruka gutwara igikombe mu mwaka wa 1993 ubwo yatwaraga shampiyona.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umunyarwanda yegukanye umwanya wa 2 muri Marathon yaberaga mu...

Umunyarwanda Muhitira Felicien bakunzwe kwita ‘Magare’ ukina imikino...
11 November 2019 Yasuwe: 1348 0

Lacazette yatangaje impamvu ikomeye iri gutuma Arsenal itsindwa...

Rutahizamu w’ikipe ya Arsenal,Alexandre Lacazette yatangaje ko impamvu iri...
11 November 2019 Yasuwe: 3317 0

Cristiano Ronaldo yakoze igikorwa kigayitse nyuma yo kongera gusimbuzwa...

Rutahizamu Cristiano Ronaldo yatangiye guhangana n’umutoza Maurizio Sarri...
11 November 2019 Yasuwe: 5339 0

Uwari umutoza w’abanyezamu mu ikipe ya Rayon Sports yasimbuwe byagateganyo...

Uwari umutoza w’abanyezamu ba Rayon Sports, Hannington Kalyesubula...
11 November 2019 Yasuwe: 1956 0

Liverpool yatangiye kwanikira abakeba barimo Manchester City yahaye isomo...

Ibitego bya Fabinho,Mohamed Salah na Sadio Mane byafashije ikipe ya...
10 November 2019 Yasuwe: 2429 0

Mashami Vincent yatangaje abakinnyi 23 azakoresha ahangana na...

Umutoza w’ikipe y’igihugu Amavubi,Mashami Vincent,yatangaje abakinnyi 23...
10 November 2019 Yasuwe: 3206 1