Umukinnyi Cristiano Ronaldo ukinira ikipe ya Juventus yongeye guhiga Lionel Messi na Neymar Jr ku rutonde rw’abakinnyi binjiza agatubutse kurusha abandi bose ku rubuga rwa Instagram.

Sponsored Ad

Ku rutonde rwa Instagram Sport Rich List 2018,Cristiano Ronaldo yongeye kwanikira cyane abakinnyi bagenzi be barimo Lionel Messi, Neymar, David Beckham na Gareth Bale bamukurikiye.

Ronaldo ukurikirwa n’abarenga miliyoni 133 kuri Instagram,akunze gushyira kuri uru rubuga amafoto ye agaragaza imibereho ye yaba mu muryango we,mu kibuga n’ahandi.

Ibigo bitandukanye bihemba Cristiano Ronaldo akayabo k’ibihumbi 750,000 USD (£570,000) kuri buri kintu ashyize kuri Instagram mu gihe Neymar Jr na Messi bamukurikiye bahabwa $600,000 (£457,000) na $500,000 (£381,000).

Muri rusange,umunyamideli akaba n’umushabitsi ukomeye muri USA, Kylie Jenner niwe winjiza amafaranga menshi kuri Instagram kurusha abandi bantu bode ku isi kuko akenyerera kuri $1,000,000 (£762,000) ku ifoto imwe ashyizeho,akurikiwe n’umuhanzi Selena Gomez ahabwa $800,000 (£610,000) mu gihe Cristiano Ronaldo ari ku mwanya wa 3 aho akurikiriwe na Kim Kardashian na Beyonce

Cristiano Ronaldo yongeye kuba umukinnyi winjiza akayabo kuri Instagram kurusha abandi ku isi