Kigali

Lionel Messi yavuze kuri gahunda yo gusangira na Cristiano Ronaldo bahora bahanganye

Imikino   Yanditswe na: Dusingizimana Remy 12 September 2019 Yasuwe: 4052

Kapiteni wa FC Barcelona,Lionel Messi uri mu mvune,yamaze amatsiko abakomeje kwibaza niba azemera gusangira na Cristiano Ronaldo uherutse kumusingiza nubwo bahora bahanganye aho yavuze ko byamushimisha bahuye bagasangira.

Messi wagize uruhare runini mu gutuma Cristiano Ronaldo aba igihangange kubera guhangana nawe bigatuma bose bakora cyane,yavuze ko ntako byaba bisa aramutse ahuye n’uyu mugabo bamaze imyaka isaga 10 bahangana,bagasangirira ku meza amwe dore ko ngo bahuzwa n’ibihembo bya FIFA na UEFA gusa.

Yagize ati “Nabivuze kenshi ko nta kibazo na kimwe nagiranye nawe.Ntitwaba inshuti kubera ko tutigeze dusangira urwambariro gusa duhora duhurira mu birori byo guhemba kandi nta kibazo twagiranye.Twaganiriye igihe kirekire ubwo twahuriye mu birori biheruka.

Ntabwo mbizi niba hari ugusangira kwateguwe kubera ko bigoye ko twahura mu buryo bworoshye,cyane ko buri wese afite ubuzima bwe bwite ndetse n’ibyo aha gaciro.Ariko bibaye nakwitabira ubutumire.”

Mu minsi ishize Ronaldo aherutse kubwira TV1 ko atahakana ko Messi yatumye aba igihangange ndetse ngo nawe yamufashije kwitwara neza kuko buri wese akora cyane kugira ngo atware undi igihembo.

Ronaldo aherutse gutangariza mu birori bya UEFA ko yishimira guhangana kwe na Messi ndetse ngo nubwo batarahura ngo basangirire hamwe ariko ngo mu minsi iri imbere yizeye ko bizaba.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kimenyi Yves ashobora kudakina na Ethiopia kubera guhindura imyirondoro ava...

Umunyezamu wa mbere w’Amavubi Kimenyi Yves ashobora kugongwa n’ikibazo kimeze...
19 September 2019 Yasuwe: 895 0

UCL: Real Madrid yagaragaje ko igeze aharindimuka mu gihe Juventus...

Ishyamba si iryeru mu ikipe ya Real Madrid ikomeje kunyagirirwa mu...
19 September 2019 Yasuwe: 1260 0

Amavubi yakoreye ibitangaza mu mujyi wa Kinshasa yihimura kuri...

Ikipe y’igihugu Amavubi, y’abakina imbere mu gihugu, ijyanye muri Ethiopia...
18 September 2019 Yasuwe: 2443 0

Cristiano Ronaldo ari gushakisha bikomeye abakobwa bamuhaye umugati ashonje...

Rutahizamu Cristiano Ronaldo wa Juventus,ari gushaka bikomeye abakobwa...
18 September 2019 Yasuwe: 4000 0

KNC yavuze uburyo abakinnyi bazazana iby’amarozi mu mikino yose bazahuriramo...

Kakoza Nkurunziza Charles wamamaye ku izina rya KNC ukuriye ikipe ya Gasogi...
18 September 2019 Yasuwe: 2180 0

Mashami Vincent yatangaje abakinnyi 11 barahangana na RDC mu mukino wa...

Umutoza w’ikipe y’igihugu,Mashami Vincent,yamaze gutangaza abakinnyi 11...
18 September 2019 Yasuwe: 2233 1