Kigali

Mashami Vincent yatangaje ibintu 3 byatumye Amavubi abura itike yo kwerekeza muri CAN 2019

Imikino   Yanditswe na: Dusingizimana Remy 26 March 2019 Yasuwe: 2898

Umutoza Mashami Vincent yatangaje ko Amavubi yabuze itike yo kwerekeza mu gikombe cya Afurika kubera ko yananiwe kubyaza umusaruro imikino yo mu rugo,imitegurire mibi ndetse n’urwego rwa shampiyona y’u Rwanda ruri hasi.

Ubwo yageraga mu Rwanda avuye kunyagirirwa muri Cote d’Ivoire ibitego 3-0,Mashami Vincent yavuze ko Amavubi yazize imitegurire mibi,urwego rwa shampiyona y’u Rwanda ruri hasi ndetse no kutabyza umusaruro imikino yo mu rugo.

Yagize ati “Gukinira mu rugo birafasha,urebye imikino twakinnye mu rugo na Cote d’Ivoire,Guinea na Centrafrique,twakagombye kuba twarayitsinze gusa ntabwo twakoresheje amahirwe yacu.Akenshi iyo ugiye hanze birakugora kuko amakipe menshi acungira ku mikino yo mu rugo.

Ntabwo twakwirengagiza ko twari mu itsinda rikomeye ariko sinshaka kubigira urwitwazo kuko hari abari mu matsinda akomeye babashije kujya muri CAN.Urebye amakipe twahuye ukareba n’abakinnyi bacu,amakipe yo hanze bakinamo,urwego rwa shampiyona yacu,ntawabura kubashimira.Hari byinshi tubura kugira ngo tugere ku rwego rw’andi makipe akomeye.Urwego rw’imitegurire,urwego rwa shampiyona yacu,no guha agaciro imikino twakiriye mu rugo nibyo byatugoye kandi nibyo amakipe yose yakoresheje abona itike.”

Mashami yavuze ko agiye gutanga raporo y’uko aya majonjora yagenze kugira ngo FERWAFA na Minisiteri bahite batangira gutegura ikipe yo gushaka itike ya CHAN.

Amavubi yarangije ku mwanya wa nyuma mu itsinda H mu gushaka itike yo kwerekeza muri CAN 2019 izabera mu Misiri n’amanota 2 muri 18 yahatanirwaga.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umutoza wa PSG yamenye ibanga rituma batarekura rutahizamu Neymar...

Umutoza wa PSG, Thomas Tuchel yabwiye ikipe ya Real Madrid na FC Barcelona...
19 August 2019 Yasuwe: 2642 0

Aubameyang yahaye ubutumwa bukomeye amakipe yo mu Bwongereza bahanganye...

Rutahizamu Pierre-Emerick Aubameyang yatangaje ko uyu mwaka ushobora...
19 August 2019 Yasuwe: 1753 0

Umunya Iraq yaciye ibintu ku isi kubera ukuntu asa cyane na Cristiano...

Umunya Iraq witwa Biwar Abdullah w’imyaka 25 yateje imbaka ndende ku mbuga...
19 August 2019 Yasuwe: 2997 0

Mashami Vincent yongerewe amasezerano yo gukomeza gutoza Amavubi

Umutoza Mashami Vincent wari umaze umwaka urenga ari umutoza w’Amavubi...
19 August 2019 Yasuwe: 1186 0

Rutahizamu Lukaku yasubije abakunzi ba ruhago bamwibasiye bamuhora ko...

Rutahizamu mushya wa Inter Milan,Romelu Lukaku yarakajwe bikomeye...
19 August 2019 Yasuwe: 2036 0

David Luiz yahishuye impamvu yavuye mu ikipe ya Chelsea FC igitaraganya

Myugariro David Luiz uherutse gutungurana akava mu ikipe ya Chelsea FC...
18 August 2019 Yasuwe: 4149 0