Umukinnyi Muhire Kevin wanze kwitabira imyitozo ya Rayon Sports yamaze kwerekeza mu gihugu cya Belarus mu ikipe ya Shakhtyor Soligorsk ikina icyiciro cya mbere ndetse isanzwe ikinamo umunyarwanda Sibomana Patrick.
Uyu musore uheruka kohererezwa urwandiko n’ubuyobozi bwa Rayon Sports bumusaba ibisobanuro ku bijyanye no kwanga kwitabira imyitozo,we yari afite ibanga rikomeye abitse kuko nubwo byavugwaga ko agiye kwerekeza muri Maroc, yahisemo kwerekeza ku mugabane w’I Burayi mu ikipe ishobora (...)

Sponsored Ad

Umukinnyi Muhire Kevin wanze kwitabira imyitozo ya Rayon Sports yamaze kwerekeza mu gihugu cya Belarus mu ikipe ya Shakhtyor Soligorsk ikina icyiciro cya mbere ndetse isanzwe ikinamo umunyarwanda Sibomana Patrick.

Uyu musore uheruka kohererezwa urwandiko n’ubuyobozi bwa Rayon Sports bumusaba ibisobanuro ku bijyanye no kwanga kwitabira imyitozo,we yari afite ibanga rikomeye abitse kuko nubwo byavugwaga ko agiye kwerekeza muri Maroc, yahisemo kwerekeza ku mugabane w’I Burayi mu ikipe ishobora kwitabira imikino ya UEFA mu mwaka utaha cyane ko ihabwa amahirwe yo kwegukana igikombe cya shampiyona muri iki gihugu.

Mu minsi ishize Muhire yatangaje ko nubwo byavuzwe ko yasinye amasezerano y’imyaka 2 muri Rayon Sports,we atasinye amasezerano ahubwo ubuyobozi bwa Rayon Sports bwamugurije miliyoni 4,5 kandi yiteguye kuyishyura gusa bishobora kuzagora uyu musore cyane ko akeneye ibyangombwa.

Muhire Kevin yerekeje muri Belarus mu ijoro ryo kuri iki cyumweru taliki ya 15 Ukwakira 2017, ari kumwe n’umufasha wa Patrick Sibomana.