Kigali

Myugariro David Luiz ukinira Arsenal arasura u Rwanda kuri uyu wa Kane

Imikino   Yanditswe na: Dusingizimana Remy 9 October 2019 Yasuwe: 2628

Myugariro w’ikipe ya Arsenal yo mu Bwongereza,David Luiz Moreira Marinho kuri uyu wa kane,taliki ya 10 Ukwakira 2019, azasura u Rwanda,aho azaba aje mu bikorwa bitandukanye by’umupira w’amaguru no guteza imbere ubukerarugendo.

Nk’uko umuyobozi ushinzwe itumanaho wa Arsenal witwa Rebecca James yabibwiye BBC dukesha iyi nkuru,David Luiz azagera mu Rwanda kuri uyu wa Kane muri gahunda y’ubukerarugendo aho azahava ku cyumweru.

David Luiz yiyemeje gusura u Rwanda mu rwego rwo kuruhuka kuko ikipe ye Arsenal idafite imikino cyane ko mu mpera z’iki cyumweru haraba imikino mpuzamahanga kandi igihugu cye cya Brazil ntikikimuhamagara.

Kuza mu Rwanda kwa David Luiz bishobora kuba biri mu masezerano ikipe ya Arsenal FC yagiranye na leta y’u Rwanda yo kwamamaza ubukerarugendo no gushishikariza ba mukerarugendo gusura igihugu gahunda izwi nka #VisitRwanda.

Ikipe ye ya Arsenal ubu iri ku mwanya wa gatatu ku rutonde rwa shampiyona y’Ubwongereza imaze gukinwa imikino umunani(8).

Uretse David Luiz,undi munyabigwi wa Chelsea,Didier Drogba,nawe araba ari mu Rwanda mu nama ikomeye ya Youth Connect.

David Luiz ni myugariro w’imyaka 32 wakiniye amakipe atandukanye arimo Benfica,Chelsea,PSG na Arsenal.Yatwaye ibikombe birimo Premier League,Ligue 1,UEFA Champions League n’ibindi.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Lionel Messi yashyikirijwe urukweto rwa zahabu rwa 6 nyuma yo guca agahigo...

Lionel Messi, Kapiteni w’ikipe ya FC Barcelona yo muri Espagne,...
16 October 2019 Yasuwe: 429 0

Eden Hazard yahaye ubutumwa bukomeye abafana ba Real Madrid bamaze iminsi...

Rutahizamu mushya wa Real Madrid,Eden Hazard yabwiye abafana b’iyi kipe...
16 October 2019 Yasuwe: 2066 0

Rutanga Eric ari gushakisha umwana wafotowe yambaye umupira ucitse uriho...

Kapiteni wa Rayon Sports,Rutanga Eric arifuza guhura n’umwana wagaragaye ku...
16 October 2019 Yasuwe: 4340 0

Umutoza uhabwa amahirwe menshi yo gutoza ikipe ya Manchester United...

Nta muntu ukurikira umupira utabona ko umutoza wa Manchester United witwa...
16 October 2019 Yasuwe: 3934 0

Real Madrid yiyemeje gutanga akayabo na James Rodriguez kugira ngo ihaze...

Ikipe ya Real Madrid itarabasha kwiyubaka ku rwego umutoza wayo Zinedine...
16 October 2019 Yasuwe: 2926 0

Umunyarwanda Hitimana agiye guhagarikwa kubera Imiti imwongerera imbaraga...

Umunyarwanda Hitimana Noël usiganwa ku maguru ku ntera ndende, agiye...
15 October 2019 Yasuwe: 1940 0