Kigali

Rayon Sports ihaye isomo rya ruhago Marines FC iyisezerera mu gikombe cy’Amahoro

Imikino   Yanditswe na: Dusingizimana Remy 24 July 2018 Yasuwe: 2779

Ikipe ya Rayon Sports ikomeje kwibasira amakipe yo mu karere ka Rubavu kuko nyuma yo gusezerera Etincelles FC muri 1/16,imaze gusezerera Marines FC iyitsinze ibitego 3-1 mu mukino wo kwishyura wa ¼ cy’igikombe cy’Amahoro wabereye kuri stade ya Kigali I Nyamirambo.

Mu mikino 2 ubanza n’uwo kwishyura ya ¼ cy’irangiza mu gikombe cy’Amahoro ,Rayon Sports isezereye Marines FC iyitsinze ibitego 4-1, ndetse ishimangira ubudahangarwa bwayo imbere y’amakipe y’I Rubavu kuko yombi iyasereye mu irushanwa ry’uyu mwaka.

Muri uyu mukino wo kwishyura wabereye kuri stade ya Kigali I Nyamirambo,Marines FC niyo yabanje gufungura amazamu ku munota wa 10 ku gitego cyatsinzwe na Idrissa bituma abafana ba Rayon Sports batangira kugira impungenge dore ko abakinnyi babo bahuzagurikaga cyane.

Rayon Sports yari imbere y’abafana bayo yahise itangira gushaka uko yahuza umukino ndetse ikishyura iki gitego kugira ngo biyifashe kwigarurira icyizere ibigeraho ku munota wa 41 ku gitego cyatsinzwe na Christ Mbondi.

Rayon Sports yahise yiba umugono Marines FC iyitsinda igitego cya kabiri nyuma y’umunota umwe igitego cya mbere cyinjiye nacyo cyatsinzwe n’uyu munya Cameroon Christ Mbondi.

Rayon Sports yaburaga abakinnyi bayo bakomeye barimo Kwizera Pierrot,Mukunzi Yannick,Rutanga Eric na Ismaila Diarra, yarangije igice cya mbere iyoboye umukino n’ibitego 2-1 byayifashije cyane kwihagararaho imbere ya Marines FC.

Nyuma wo kuvunika kwa myugariro Rwatubyaye Abdul,Robertinho yinjije mu kibuga Mugabo Gabriel wamufashije cyane kuko yatsinze igitego cya 3 ku munota wa 74 cyatumye Rayon Sports ishimangira itike ya ½ cy’irangiza aho igomba guhura na Sunrise.

APR FC na police FC zizisobanura ku wa kane kugira ngo tumenye amakipe yose ageze muri ½ aho izarokoka izahura na Mukura VS.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Messi na Cristiano Ronaldo basuzuguye bikomeye FIFA

Ba rutahizamu bamaze imyaka 10 bayoboye isi Cristiano Ronaldo na Lionel...
24 September 2018 Yasuwe: 1502 0

Umutoza wa Enyimba FC yatangaje abakinnyi 3 yifuza kugura muri Rayon...

Umutoza w’ikipe ya Enyimba FC yo muri Nigeria, Usman Abd’Allah, yatangaje ko...
24 September 2018 Yasuwe: 5270 0

Muvunyi Paul yatangaje impinduka bagiye gukora muri Rayon Sports kubera CAF...

Umuyobozi w’ikipe ya Rayon Sports,Muvunyi Paul yavuze ko kuba barageze mu...
24 September 2018 Yasuwe: 2336 0

David Beckham yasekeje benshi kubera umutoza yifuza ko yazatoza ikipe...

Uwahoze ari umukinnyi w’umupira w’amaguru David Beckham uherutse gushinga...
24 September 2018 Yasuwe: 1378 0

Paul Pogba yanenze ku mugaragaro imitoreze ya Jose Mourinho

Umukinnyi Paul Pogba yongeye kubiba urwango hagati ye n’umutoza we Jose...
24 September 2018 Yasuwe: 1385 0

Maurizio Sarri yagaragaje ko afitiye ubwoba bwinshi ikipe ya...

Umutoza mushya wa Chelsea FC Maurizo Sarri yatunguye benshi ubwo yavugaga...
24 September 2018 Yasuwe: 594 0