Kigali

Rayon Sports yasabye ko umukino wo kwishyura na Al Hilal washyirwa mu kindi gihugu kubera umutekano

Imikino   Yanditswe na: Dusingizimana Remy 13 August 2019 Yasuwe: 1869

Ubuyobozi bwa Rayon Sports butewe impungenge n’umutekano wo muri Sudani ariyo mpamvu bwafashe umwanzuro wo kwandikira CAF bubifashijwemo na FERWAFA basaba ko umukino wo kwishyura w’ijonjora ry’ibanze rya CAF Confederations Cup bazahura na Al Hilal wazabera mu kindi gihugu.

Rayon Sports yanganyije igitego 1-1 na Al Hilal mu mukino ubanza uherutse kubera I Kigali gusa ikibazo cy’umutekano muke uri muri Sudani cyatumye yandikira FERWAFA iyisaba ko nk’urwego rubahagarariye yakwandikira CAF iyisaba ko bakwimurira uyu mukino mu kindi gihugu nkuko umuvugizi wa Rayon Sports,Nkurunziza Jean Paul yabitangarije Radio Flash.

Yagize ati “Nyuma yo gukina umukino ubanza tukanganya igitego 1-1 na Al Hilal I Kigali,ubuyobozi bwa Rayon Sports bwaricayetwiga ku kibazo kiri mu ikipe cyane cyane ku mutekano w’ikipe n’abakinnyi bacu.Twabajije FERWAFA mu magambo tuti “ko mudukuriye mubona muri Sudani bihagaze bite?,batubwira ko ari uburenganzira bwacu kubisaba.Twafashe umwanzuro wo kwandikira FERWAFA kuko twe ntitwakwandikira CAF,tuyisaba ko yatubariza muri CAF,ikerekana impungenge z’umunyamuryango wabo.Mu kanya gato turashyikiriza urwandiko rwacu FERWAFA tuyimenyesha ko dufite impungenge zo kujya muri Sudani kubera umutekano muke nayo izabimenyeshe CAF.

Mu minsi ishize ikipe ya Gor Mahia yanze kujya muri Sudani gukina umukino wa gicuti na Al Hilal kubera impamvu y’umutekano utameze neza muri iki gihugu ariyo mpamvu na Rayon Sports ifite impungenge.

Nkurunziza yavuze ko igihugu cyakwimurirwamo umutekano ari CAF yagitangaza cyane ko ngo ibihugu byo hafi bihagaze neza ari Kenya na Ethiopia.

Ikipe ya Al Hilal nayo ntiyiteguriye umukino wa Rayon Sports muri Sudani kuko yagiye muri Tunisia ariyo mpamvu Rayon Sports yizeye ko CAF izafata umwanzuro ukwiriye imaze gukora iperereza.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble fahad

    ibyo nibyuyunvira byanyu match 100% izabera khartoum

    5 days ago

Inzindi nkuru

Umutoza w’umunyabigwi agiye guhabwa akazi ko gutoza ikipe ya Rayon Sports...

Amakuru aravuga ko mu cyumweru gitaha ikipe ya Rayon Sports izatangaza ko...
18 August 2019 Yasuwe: 4997 0

Van Persie yahishuye impamvu ikomeye yatumye ava muri Arsenal akerekeza...

Rutahizamu Robin van Persie wakiniye Arsenal na Manchester United yavuze ko...
17 August 2019 Yasuwe: 3181 0

Ubuyobozi bwa Rayon Sports bwavuze uburyo bwaguze abakinnyi batandukanye...

Ni nyuma yaho abakinnyi bagera kuri 24 bakina mu Rwanda bafite indangamuntu...
17 August 2019 Yasuwe: 6394 1

Arsenal yahagaritse agahigo kabi yari imaranye imyaka 10 yikurikiranya ubwo...

Ikipe ya Arsenal yari imaze imyaka 10 idatsinda imikino 2 ifungura...
17 August 2019 Yasuwe: 2762 0

CAF yasubije Rayon Sports yayandikiye iyisaba ko umukino izakirwamo na Al...

Impuzamashyirahamwe y’Umupira w’Amaguru muri Afurika, CAF, yateye utwatsi...
17 August 2019 Yasuwe: 3516 1

Bayern Munich yatijwe Coutinho wabuze umwanya wo gukina muri FC...

Ikipe ya FC Bayern Munichen itarigaragaje ku isoko ryo kugura abakinnyi...
17 August 2019 Yasuwe: 1582 0