Kigali

Rayon Sports yatsinze AS Kigali y’abakinnyi 9 yari ku rwego rwo hasi cyane

Imikino   Yanditswe na: Dusingizimana Remy 9 December 2018 Yasuwe: 3167

Ikipe ya Rayon Sports yisubije icyubahiro yateshejwe na Kiyovu Sports mu minsi ishize,itsinda AS Kigali igitego 1-0 mu mukino warangiye iyi kipe y’mujyi wa Kigali ihawe amakarita 2 y’umutuku.

AS Kigali yari imaze imikino 6 idatsinda,yashakaga kuzukira kuri Rayon Sports ariko ntibyayikundira kuko igitego kimwe ku busa yatsinzwe na Micheal Sarpong kiyishyize mu mazi abira aho yahise ijya mu murongo utukura.

Rayon Sports yarushaga AS Kigali kuva umupira utangiye kugeza urangiye,yisubije icyubahiro ndetse yiyunga n’abafana bayo dore ko mu mukino uheruka yatsinzwe na Kiyovu Sports ibitego 2-1.

Ku munota wa 18 w’umukino,ikpe ya Rayon Sports yatakaje umukinnyi wayo Kakule Mugheni Fabrice, wagize imvune ikomeye,ishobora kumubuza guhura na APR FC ku wa Gatatu kuko yajyanwe igitaraganya kwa mugangaasimburwa na Nova Bayama.

Igitego cya Micheal Sarpong ku munota wa 47 nicyo gifashije Rayon Sports kwibikira impamba iyigeza ku wa Gatatu ubwo izahangana na mukeba wayo w’ibihe byose APR FC.

AS Kigali iri mu bihe bibi cyane,yakinaga nk’ishaka kwirukanisha umutoza Masudi Djuma kuko kuva umupira utangiye kugeza urangiye,nta bwitange abakinnyi bayo bagaragaje ndetse na nyuma yo gutsindwa igitego igice cya kabiri kigitangira ntibigeze barwana ishyaka ngo bacyishyure.

Ubwo umukino wari usigaje iminota 2 ngo urangire,myugariro ukina inyuma ku ruhande rw’iburyo rwa AS Kigali, Rurangwa Amos yahawe ikarita itukura kubera gukinira nabi umukinnyi wa Rayon Sports Seif,hanyuma na Ishimwe Kevin winjiye mu kibuga asimbuye nawe ahabwa ikarita itukura itukura kubera gukinira nabi undi mukinnyi wa Rayon Sports.

Biravugwa ko hari abakinnyi batumvikana na Masudi Djuma muri AS Kigali ndetse aribyo byatumye muri iyi kipe harimo umwuka mubi uri gutuma batsindwa umusubirizo.

Mu mikino 6 Masudi amaze gutoza AS Kigali ntabwo arabona amanota 3 kuko yanganyije 3 atsindwa 3 byatumye ikipe ye iri ku mwanya wa 15 ubanziriza uwa nyuma n’amanota 4 gusa.

Rayon Sports igize amanota 15 inganyije na APR FC bizahura ku wa 3 w’icyumweru gitaha gusa iyi kipe y’ingabo z’igihugu iri ku mwanya wa kabiri kubera ibitego byinshi izigamye,mu gihe Mukura VS ariyo iyoboye shampiyona n’amanota 16.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umutoza wa PSG yamenye ibanga rituma batarekura rutahizamu Neymar...

Umutoza wa PSG, Thomas Tuchel yabwiye ikipe ya Real Madrid na FC Barcelona...
19 August 2019 Yasuwe: 2684 0

Aubameyang yahaye ubutumwa bukomeye amakipe yo mu Bwongereza bahanganye...

Rutahizamu Pierre-Emerick Aubameyang yatangaje ko uyu mwaka ushobora...
19 August 2019 Yasuwe: 1782 0

Umunya Iraq yaciye ibintu ku isi kubera ukuntu asa cyane na Cristiano...

Umunya Iraq witwa Biwar Abdullah w’imyaka 25 yateje imbaka ndende ku mbuga...
19 August 2019 Yasuwe: 3051 0

Mashami Vincent yongerewe amasezerano yo gukomeza gutoza Amavubi

Umutoza Mashami Vincent wari umaze umwaka urenga ari umutoza w’Amavubi...
19 August 2019 Yasuwe: 1196 0

Rutahizamu Lukaku yasubije abakunzi ba ruhago bamwibasiye bamuhora ko...

Rutahizamu mushya wa Inter Milan,Romelu Lukaku yarakajwe bikomeye...
19 August 2019 Yasuwe: 2042 0

David Luiz yahishuye impamvu yavuye mu ikipe ya Chelsea FC igitaraganya

Myugariro David Luiz uherutse gutungurana akava mu ikipe ya Chelsea FC...
18 August 2019 Yasuwe: 4151 0