Ikipe ya Rayon Sports ibashije gutsinda Kiyovu Sports ku munsi wa kabiri wa shampiyona ibitego 2-0,ikomeza gushimangira ubukaka bwayo kuri iyi kipe yambara icyatsi n’umweru nyuma yo kuyimanura mu cyiciro cya kabiri muri shampiyona ishize. Uyu mukino wari ubereye ijisho watangiye ikipe ya Kiyovu iri hejuru cyane ndetse irusha bigaragara Rayon Sports cyane cyane umusore Nizeyimana Djuma wari wazonze ba myugariro ba Rayon Sports cyane cyane Rutanga Eric kuko yamuciyeho inshuro nyinshi ndetse (...)

Sponsored Ad

Ikipe ya Rayon Sports ibashije gutsinda Kiyovu Sports ku munsi wa kabiri wa shampiyona ibitego 2-0,ikomeza gushimangira ubukaka bwayo kuri iyi kipe yambara icyatsi n’umweru nyuma yo kuyimanura mu cyiciro cya kabiri muri shampiyona ishize.

Uyu mukino wari ubereye ijisho watangiye ikipe ya Kiyovu iri hejuru cyane ndetse irusha bigaragara Rayon Sports cyane cyane umusore Nizeyimana Djuma wari wazonze ba myugariro ba Rayon Sports cyane cyane Rutanga Eric kuko yamuciyeho inshuro nyinshi ndetse ku munota wa 27 n’uwa 32 yahaye Vino Ramadhan imipira myiza akayitera hanze.

Ikipe ya Kiyovu Sports yakomeje kurusha ikipe ya Rayon Sports ndetse igenda ibona amahirwe akomeye y’ibitego gusa igice cya mbere kirangira ari 0-0 Kiyovu Sports ifite 53 mu guhererekanya umupira kuri 47 ka Rayon Sports.

Igice cya kabiri umutoza Karekezi Olivier yabaye nk’ukebura abasore be cyane ko bakinaga bugarira cyane mu gice cya mbere dore ko umupira wiharirwaga n’abasore 3 Faustin,Rutanga ndetse na Mukunzi Yannick.

Kubera ko Kiyovu yahushije uburyo bwinshi mu gice cya mbere,byatumye itangira icya kabiri yirinda gusatira ariko Rayon Sports itangira kuyotsa igitutu ndetse iza kubona koloneri nziza ku munota wa 52 yatewe neza na Pierro ba myugariro ba Kiyovu bayikuramo umupira usanga Djabel aho yari ahagaze awutera ku mutwe wa Usengimana Faustin nawe ahita afungura amazamu.

Nyuma y’iki gitego Kiyovu Sports yongeye gukanguka ari nako umutoza Cassa Mbungo yashyiragamo ba rutahizamu barimo Maombi Jean Pierre na Sabanani Emmanuel maze ku munota wa 58 ku mupira mwiza wari utewe na Fabrice Mugheni usanga Maombi Jean Pierre asigaranye n’umunyezamu Bakame ashatse ku mucenga umupira ujya hanze.

Amakipe yombi yakomeje gusatirana gusa Kiyovu Sports ikagenda ihusha amahirwe yayo gusa Rayon Sports yaje kuyica mu rihumye niko kuyitsinda igitego cya kabiri cyatsinzwe na Nahimana Shassir ku mupira yahawe neza na Djabel Manishimwe.

Icyagaragaye kuri uyu mukino n’ikipe ya Kiyovu Sports ikomeye cyane gusa ibura kumvikana muri ba rutahizamu mu gihe Rayon Sports yo yagaragaje imbaraga nke muri ba rutahizamu nubwo ibashije gutsinda ibitego 2-0.

Abakinnyi babanjemo ku mpande zombi
Rayon Sports : Bakame, Nyandwi sadam, Rutanga Eric, Manzi Thierry,Usengimana Faustin, Mukunzi Yannick,Kwizera Pierrot,Nahimana Shassir,Bimenyimana Caleb, Mugisha Gilbert, Manishime Djaber.

Kiyovu : Ndoli, Mbogo Ally, Ally Hassan, Ahoyikuye JP,Uwihoreye Jean Paul, Habamohoro Vincent, Mugheni Fabrice, Mustapha Francis, Habyarimana Innocent, Djuma Nizeyimana,Vino Ramadhan