Kigali

Ulimwengu Jules yasabye imbabazi abafana ba Rayon Sports nyuma yo guhusha penaliti kuri Bugesera FC

Imikino   Yanditswe na: Dusingizimana Remy 9 March 2019 Yasuwe: 2743

Rutahizamu Jules Ulimwengu yasabye imbabazi abakunzi ba Rayon Sports yaraye atengushye ubwo yahabwaga penaliti ku munota wa 55 w’umukino baraye bakinnye na Bugesera FC akayitera mu maboko y’umunyezamu.

Ulimwengu ukomeje kugaragaza ko nta buhanga afite mu gutera penaliti,yaraye ateye penaliti iciriritse muri uyu mukino,umunyezamu wa Bugesera FC,Nsabimana Jean de Dieu uzwi nka Shaolini awufata bitamugoye.

Ulimwengu yahise ajya ku rubuga rwe rwa Instagram,asaba imbabazi abakunzi ba Rayon Sports bababajwe n’uko yahushije penaliti ku nshuro ye ya kabiri nyuma yo kuyigeramo.

Yagize ati “Nsabye imbabazi ikipe yanjye kubera ibyabaye uyu munsi,mumbabarire cyane.Ndabakunda cyane bafana mumbabarire cyane.”

Bamwe mu bafana ba Rayon Sports batanze ibitekerezo kuri iyi post ya Ulimwengu,bavuze ko batamurenganya bibaho mu mupira, ariko bamusaba kwitoza gutera penaliti biruseho cyangwa se akazirekera abandi babishoboye.

Nubwo Ulimwengu yahushije penaliti,ntiyacitse intege kuko ku munota wa 76 yikosoye atsindira Rayon Sports igitego cyo kwishyura cyatumye akomeza kuyobora abatsinze byinshi na 12.

Iyi ni penaliti ya kabiri rutahizamu Jules Ulimwengu yahushije nyuma y’iyo yahushije, Rayon Sports ikina na Sunrise FC ku mukino w’umunsi wa 18 wa shampiyona.

Uyu mukino w’umunsi wa 20 wa shampiyona,warangiye Rayon Sports inganyije na Bugesera FC,biyibuza amahirwe yo gukura APR FC ku mwanya wa mbere by’agateganyo,kuko igize amanota 44 mu gihe uyu mukeba wayo ayoboye shampiyona n’amanota 45 mbere y’umukino azakina na Etincelles FC ku munsi w’ejo.


Ulimwengu yasabye imbabazi abafana ba Rayon Sports nyuma yo guhusha penaliti mu mukino wa Bugesera FC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Kalisa

    Ikibazo jyewe mbona gifite umutoza utarabona ko uriya musore ajya gutera penalty afite igihunga cyijyanye na pressure y’abafana benshi ataramenyera no gushaka kuzarangiza Shampiyona ariwe watsinze ibitego byinshi. Natukure kuri penalty kuko abo kuzitera barahari maze abanze ashyire umutima mu gitereko!!!

    4 months ago
  • chat_bubble Heba

    Nage gusabimbabazi igare yarwaniraga penalty ashak’iki kandi aziko atajya azitsinda!!!! Ritanga cg Kakure ko bari bahari iyo ayibaha. akina na frws abafana baba bishyuye binjira kureba match 3000frws ni menshi cyane.

    4 months ago

Inzindi nkuru

CAF yashyize hanze ikipe y’irushanwa rya CAN 2019 yiganjemo abakinnyi...

Impuzamashyirahamwe y’umupira w’amaguru muri Afurika CAF yashyize hanze...
22 July 2019 Yasuwe: 2058 0

Jules Ulimwengu ashobora kwerekeza mu ikipe ya APR FC aguzwe...

Ikipe ya APR FC nyuma yuko ititwaye neza mu irushanwa rya CECAFA Kagame Cup...
22 July 2019 Yasuwe: 5550 8

Perezida Munyakazi Sadate yatangaje ibanga rikomeye rizafasha Rayon Sports...

Umuyobozi w’ikipe ya Rayon Sports,Munyakazi Sadate yatangaje biteguye...
22 July 2019 Yasuwe: 2905 0

Cristiano Ronaldo yongeye kuvugwa cyane kubera ibyo yakoreye umwana wo muri...

Rutahizamu Cristiano Ronaldo yashimishije benshi kubera ukuntu yemereye...
22 July 2019 Yasuwe: 4248 0

PSG yemeye kongerera umushahara Kylian Mbappe uruta uwa Cristiano...

Ikipe ya PSG yo mu Bufaransa, irateganya kugira Kylian Mbappe umukinnyi...
22 July 2019 Yasuwe: 1714 1

Marcelo yateje impaka mu bakunzi ba ruhago ubwo yatangazaga umukinnyi...

Myugariro wa Real Madrid n’igihugu cya Brazil,Marcelo,yatangaje ko kuri we...
22 July 2019 Yasuwe: 3207 0