Nyuma yo kwitwara neza mu mikino ya shampiyona y’Ubuholandi Eredivisie ,ndetse no muri UEFA Champions League,rutahizamu wa Ajax wakunzwe na benshi Hakim Ziyech yatangaje ko yifuza kwerekeza mu ikipe ya Arsenal cyangwa se FC Barcelona.

Sponsored Ad

Uyu rutahizamu Hakim Ziyech wabwiwe n’ubuyobozi bwa Ajax ko biteguye kumurekura nihaboneka ikipe nziza iza kumushaka,yatangaje ko we yifuza kwigira mu ikipe ya Arsenal kugira ngo akinane na Mesut Ozil afata nk’icyitegererezo.

Hakim Ziyech ni umwe mu bakinnyi b’abahanga badahenze,kuko ikipe ya Ajax imushakamo miliyoni 25 z’amapawundi gusa arashakwa n’amakipe menshi akomeye I Burayi.

Mu mwaka wa 2017,Hakim Ziyech yabwiye mugenzi we Justin Kluivert bakinanaga muri Ajax ubwo bari kuri Ajax TV ko akunda ikipe ya Arsenal ndetse ngo nabasha kuyikinira inzozi zizaba zibaye impamo.

Yagize ati “Mfite inzozi zo gukina mu makipe abiri akomeye.Hari ikipe ya Arsenal na FC Barcelona.Ayo niyo makipe y’inzozi zanjye.”

Ziyech w’imyaka 26 yavuze ko umukinnyi akunda kurusha abandi ku isi ari Mesut Ozil ariyo mpamvu yifuza gukinana nawe.

Hakim Ziyech arifuza kwerekeza mu ikipe ya Arsenal