Abakobwa byavuzwe ko bibye amajwi muri Miss Rwanda bashaka guhigika Miss Mwiseneza Josiane nta n’umwe wakomeje[AMAFOTO]

Imyidagaduro   Yanditswe na: Martin Munezero 7 January 2019 Yasuwe: 3978

Abakobwa babiri bamaze iminsi bavugwaho kwiba amajwi mu matora ya Miss Rwanda 2019, yakorwaga hifashishijwe uburyo bwa Internet, byarangiye nta n’umwe muribo ubashije kurenga umutaru mu majonjora yabaye kuri uyu wa Gatandatu taliki 05 Mutarama 2018.

Aya majonjora yabaye yahuriyemo abakobwa 37 baturutse mu Ntara zitandukanye z’u Rwanda, hagomba kuvamo 20 bagomba gukomeza bakazajya muri Boot Camp mu mwiherero Abamiss batorezwamo byimbitse indanga gaciro z’umuco Nyarwanda n’ibindi.

Gutorera kuri Internet hifashishijwe imbuga nkoranyambaga nka Instagram ndetse na Facebook byatangiranye n’uyu mwaka mu gihe mu y’andi marushanwa hari hasanzwe hifashishwa Message zo kuri Telefone.

Ubu buryo bugitangira abategura iri rushanwa bari bahumurije abanyarwanda ko nta bujura buzigera buba muri uku gutorerwa kuri interineti gusa siko byaje kugenda kuko bamwe mu bakobwa baje gushinjwa gukoresha ‘Auto Likes’ ubu bukaba uburyo abantu bagura like kuri Instagram.

Mutoni Deborah wari uhagarariye intara y’uburengerazuba niwe wagaragaweho gutorwa n’abantu bakomoka mu Buhinde, Pakistan ndetse n’Abarabu kimwe mu bimenyetso bigaragaza ko yaguraga ama ‘likes’ nubwo utahita ubyemeza.

Undi nawe wavuzwe gukoresha ubu buryo ni Teta Fabiola wari uhagarariye intara y’Uburasirazuba nawe wasangaga yatowe n’abantu batazwi.

Aba bakobwa bombi ntanumwe wabonye amahirwe yo kugaragara muri 20 bazakomeza mu bazatoranywamo Nyampnga wa 2019 n’ubwo bahabwaga amajwi menshi yo gukomeza.

Teta Fabiola nawe yavuzweho kwiba amajwi ku mbuga nkoranyambaga

Abakobwa 20 bakomeje barangajwe imbere na nimero 30 Mwiseneza Josiane watowe cyane ku mbuga nkoranyambaga wari wambaye,No33: Inyumba Charlotte, 10: Umukunzi Teta Sonia, 22: Bayera Nisha Keza, 01: Uwase Muyango Claudine, 26: Igihozo Darine, 16: Uwase Sangwa Odille, 23: Teta Mugabo Ange Nicole, 35: Gaju Anitha, 09: Kabahenda Ricca Michaella, 19: Umurungi Sandrine, 18: Murebwayire Irene, 24: Umukundwa Clemence, 06: Tuyishimire Cyiza Vanessa, 32: Nimwiza Meghan, 13: Niyonsaba Josiane, 29: Uwicyeza Pamela, 21: Uwihirwe Yasipi Casimir, 15: Higiro Joally, ndetse na a 20: Umutoni Olive.

Ni ukuvuga ko abakobwa 20 bakomeje aribo bazajya muri Boot Camp, bakazatoranywamo uzaba Miss Rwanda 2019, kuwa 26 Mutarama 2019 mu muhango uzabera mu ngoro ya FPR Inkotanyi ‘Intare Conference Arena Rusororo.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble Mwizerwa

    Abakoresha ubujura mumatora Bose bakurikiranywe ni inkiko kuko ni abajura mubandi ntabwo u Rwanda Rwacu rushyigikiye uburiganya

    3 months ago

Inzindi nkuru

Zari yashimiye cyane umukunzi we wamubonyemo ubwiza kandi ashaje[AMAFOTO]

Umunyamideri akaba n’umushabitsi wo muri Uganda, Zari Hassan , mu butumwa...
20 April 2019 Yasuwe: 3600 0

Mwiseneza Josiane yashyize hanze ukuri ku byerekeye ikibazo yagiranye...

Mwiseneza Josiane wakunzwe mu irushanwa rya Miss Rwanda 2019 bikamuviramo...
20 April 2019 Yasuwe: 4254 1

Mbere y’uko Pasika itangira abaturage bo mu Bwongereza basinze ku bwinshi...

Mu gihe abatuye isi bose bategereje kwizihiza pasika,Abongereza bo...
19 April 2019 Yasuwe: 3428 0

Nyuma ya Isimbi hadutse undi munyarwandakazi w’umuhanzi ukomeje gushyira...

Nyuma y’aho mu minsi yashize haje umukobwa witwa ISIMBI Noelline wari...
19 April 2019 Yasuwe: 13596 2

Miss Mwiseneza yerekanye umugabo ugiye kumubera umujyanama akamufasha muri...

Mwiseneza Josiane wamamaye cyane kubera irushanwa rya Miss Rwanda 2019...
19 April 2019 Yasuwe: 4520 1

Reba ubutumwa bw’ibyamamare bitandukanye birimo Anita Pendo,Tidjara...

Kimenyi Yves ni umwe mu banyezamu bakomeye mu Rwanda muri iki gihe, Kimenyi...
18 April 2019 Yasuwe: 6864 2