startimes

Amwe mu mateka ya Yvan Buravan wakuze atinya imbeba

Imyidagaduro   Yanditswe na: NSHIMIYIMANA Janvier 21 September 2017 Yasuwe: 4996


Uwamenyekanye nka Yvan Buravan ababyeyi bamwise Dushime Burabyo Yvan yavutse tariki ya 27 Mata 1995 ni bucura mu muryango w’abana 3 akaba mubyara w’umuhanzikazi Ciney.

Buravan yatangiye muzika akiri umwana muto. Ku myaka 2 gusa mukuru we yamuguriye aga piano k’abana yirirwaga akina nako kugeza aho akuriye akunda muzika cyane, ibi byatumye yinjira muri korali y’abana nyuma yo kwiyumvamo impano yo kumenya kuririmba n’ibyo atarigishwa. Agasobanukirwa impuzarugwiro z’amanota bita “ACOR” atarabyiga bikanamworohera vuba kumenya indirimbo, abana nabyo gahoro gahoro.

Ni amarushanwa ya sosiete imwe y’itumanaho hano mu Rwanda ku myaka 14 gusa yaje kuba uwa 2 mu gihugu muri ayo marushanwa atsindira million imwe n’igice ikintu cyamuhinduye imitekerereze umuziki awubona mu yindi nguni kandi ngari.

Ni urugendo yakomeje ubutaruhuka abo mu rungano ku ishuri nka Ami des Enfents cyangwa na La colombiere yaciye bamufata nk’umuririmbyi nawe abikora amanywa n’ijoro mu maboko meza y’umuryango akomokamo. Maze ku myaka 20 gusa yiyemeza bidasubirwaho ko umwuga we ubaye umuziki asaba inkoramutima ze kutamujya kure.

Mu ntangiriro za 2016 nibwo ibihangano ibihangano bya Buravan byatangiye gusakara muri banyarwanda, nabo baramukundira barabikunda. Icyo gihe nibwo uyu muhanzi yari akimara kubona umunyanama(manager) mushya.

Uyu muhanzi watangiye kugaragara mu bitaramo bitandukanye kuko umuziki utakimwemerera gusinzira agaruka kenshi kungazo y’urukundo rwa hungu na kobwa kuko yabonye ariyo subject yafasha abantu benshi muri rusange dore ko abantu bose bahurira ku rukundo.

Buravan afite inzozi ku kuzaba wa muhanzi bavuga igihugu akaba ariwe wumvikana mbere y’ibindi nka Diamond., Alkiba ndetse n’abandi.

Uyu muhanzi yashyize hanze indirimbo ye yambere hanze mu mwaka wa 2015 indirimbo yise Majunda akomeza n’izindi yakoranye na Umutare Gaby kugeza aho yaje gukora indirimboa yise Malaika ari nayo yatumye amenyekana cyane. Mu bahanzi amaze gukorana nabo indirimbo hari nka Aucle Austin bakoranye Urwo ngukunda, Umutare Gaby mu ndirimbo Injyana, Ben Kayiranga na Andy Bumbuntu mu ndirimbo turibuka ndetse n’itsinda rya Active mu Ndirimbo bise Ihorere.

Ku bijyanye n’ibihembo Yvan Buravan ntaragera ku rwego rwo kwegukana ibihembo bifite bihambaye hano mu Rwanda. Irushanwa rihuza abanzi bakomeye hano mu Rwanda Primus Guma Guma Super Star Season 7 ntabwo yigeze amahirwe yo kuryitabira. Gusa yabashije kwitabira igitaramo ngaruka mwaka cya East African Party aho yaririmbiye ku rubyiniro rumwe na The Ben wari umutumirwa mukuru.

Uyu muhanzi yigeze no guhurira ku rubyiniro n’icyamamare muri Afurika y’iburasirazuba "Diamond Platnumz" ufite mu kurirmba umuziki w’imbona nkubone(Live).

Mu bijyanye n’ubuzima busanzwe uyu muhanzi mu bwana bwe yakuze atinya imbeba akenshi ifatwa nk’imyamaswa ibana n’abantu umunsi ku wundi.

Buravan mu gitaramo cya EAP yari yitabiriye bwambere
Muri iyi minsi uyu muhanzi ari mu bakunzwe cyane hano mu Rwanda by’umwihariko n’igitsina gore bitewe n’indirimbo zirimo kubakora ku mitima nka "Heaven" n’ izindi.

Iyi nkuru twayiteguye twifashishije ibiganiro Buravan yagiye agirana n’ ibinyamakuru binyuranye byo mu Rwanda.

Author : NSHIMIYIMANA Janvier

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Yvette

    Buravan oyeee!!!

    August 2019
  • chat_bubble

    nitwa habanabashaka innocent kbs buravan ni umuhanzi nemera nakomerezaho ndamwemera kuburyo buhambae cyane gusa najye mfite impano nkiyie ark nabuze uko nayimenyekanisha?

    June 2019

Inzindi nkuru

Diamond yamaze kubona umukunzi mushya bitegura kurushingana

Nyuma y’amezi agera kuri atanu yari amaze atandukanye na Tanasha Donna...
15 July 2020 Yasuwe: 1414 0

Umusore mwiza udafite amafaranga ntacyo avuze-Ibitekerezo by’abakobwa bo mu...

Muri iyi minsi abakobwa bakunze gushinjwa n’abasore gukunda abagabo bubatse...
14 July 2020 Yasuwe: 4015 0

Miss Teta Sandra nyuma yo kubyarira umuhanzi Weasel,yinjiye no mu...

Miss Teta Sandra yitabiriye amarushanwa yiswe ‘Hot Mic Search’ ahatana...
14 July 2020 Yasuwe: 1898 0

Zari yakuye mu rujijo abibazaga aho yakuye imodoka y’igitangaza aherutse...

Zari Hassan, umugore w’umucuruzi ukomoka muri Uganda ariko akaba yibera muri...
13 July 2020 Yasuwe: 6886 1

Ese Umusore aba akeneye gukorana imibonano mpuzabitsina gusa? Yvette wo...

Mu muco nyarwanda bizwiko umukobwa ari nk’amata adasogongerwa, gusa...
13 July 2020 Yasuwe: 3691 1

Abantu benshi batunguwe no kubona abakeba ’Diamond na Ali Kiba’ ku rubyiniro...

Diamond Platnumz na Ali Kiba, ibyamamare mu muziki mu gihugu cya Tanzania...
12 July 2020 Yasuwe: 2770 0