skol
startimes

Bwa mbere mu mateka uryamana n’uwo bahuje igitsina yashyigikiwe muri Miss Universe

Imyidagaduro   Yanditswe na: Martin Munezero 12 December 2019 Yasuwe: 1882

Mu irushanwa rya Miss Univese 2019 ryasojwe ku Cyumweru hagaragayemo umukobwa wari uhagarariye igihugu cya Myanmar wiyemereraga ko ari umutinganyi , ibintu bitari bisanzwe ko umuntu uryamana n’uwo bahuje igitsina yemererwa kwitabira aya marushanwa.


Uyu mukobwa w’umunya Myanmar w’imyaka 20 witwa Swe Zin Htet irushanwa rijya gutangira ubwo yaganye n’ikinyamakuru Missosology mbere y’uko bajya mu mwiherero wabereye mu mujyi wa Atlanta. Htet ntiyabashije kwegukana iri Kamba kuko ryegukanywe n’umunya Afurika y’Epfo Zozibini Tunzi.

Mu kiganiro yagize ati “Ndashaka ko isi yose yemera abaryamana bahuje ibitsina n’uburenganzira bwabo bwo guhitamo uburyo bwo kwishima. Dukwiye kugira uburenganzira bwo guhitamo no kugira uburinganire.”

Nyuma y’aya magambo abo bari bahataniye ikamba ndetse n’abakurikiraniraga hafi iri rushanwa batangiye kumuha izina ry’akabyiniriro rya ‘Superman’ nyuma ashyira ifoto ye ku rukuta rwa Instagram ari kumwe n’umukunzi we (mugenzi we w’umukobwa) ashyiraho n’ifoto y’umukororombya ubundi yandikaho ati “Proud”, bisobanuye ngo “Mbifitiye ishema.”

Uyu mukobwa akimara kwerekana ko ari umutinganyi abayoboye irushanwa ndetse n’abantu batandukanye ku isi batangiye kumuha ubutumwa bugaragaza ko bamushyigikiye bitewe n’uko yari yemeye kwerura ku mugaragaro akavugira mu ruhamwe uwo ari we mu gihe abandi babihisha.

Ubuyobozi bw’irushanwa bwagize buti “Twishimiye guha umwanya abagore b’abanyembaraga n’ikitegererezo nka Miss Myanmar bagira ubutwari bwo kuvuga inkuru zabo z’umwihariko. Miss Universe izashyigikira abakobwa kugirango babe abo ari bo.”

Amarushanwa atandukanye y’ubwiza akomeye akunda guheza abakobwa baba baryamana n’abo bahuje ibitsina, ababyaye, n’abakuyemo inda ndetse n’abafite abagabo baba bashaka kwitabira irushanwa gusa uyu mwaka bwo Miss Universe yazanye agashya ishyigikira umwe muri aba. Muri 2018 nabwo umukobwa wari warihinduje igitsina yari yemerewe guhatana muri Miss Universe.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Miss

    Niyo mpamvu ibihugu bimwe bitangiye kuvana akarenge muraya marushwanwa.

    December 2019
  • chat_bubble kamegeri

    Ntitukamagane gusa Ubutinganyi ngo tureke Ubusambanyi bundi.Ijambo ry’Ikigereki rikoreshwa muli bible rivuga gusambana,ni Porneia.Rikomatanya:Ubusambanyi busanzwe,Ubutinganyi,Pedophilia,Lesbianism,Bestiality (kuryamana n’inyamaswa ukayirongora),sex touching,etc...Byose ni icyaha kireshya imbere y’Imana. Nkuko 1 Abakorinto 6,imirongo ya 9 na 10 havuga,abo bose ntabwo bazaba muli paradizo iri hafi.Kuki twamagana gusa Abatinganyi,ntitwamagane abantu basambana,ahubwo tukabyita "gukundana"?? Byombi ni icyaha kimwe mu maso y’Imana.Abamagana Ubutinganyi,benshi bakora ubusambanyi!!

    December 2019

Inzindi nkuru

Reba amafoto y’ibyamamarekazi nyarwanda yabiciye bigacika kuri Instagram...

Muri iki cyumweru turimo gusoza, ibyamamarekazi nyarwanda batandukanye...
26 September 2020 Yasuwe: 1064 0

Mu Kinyarwanda kirimo imyandikire igoramye,Sunny yifatiye ku gahanga abantu...

Umuhanzikazi Ingabire Dolcas Sunligth wamamaye nka Sunny, umwe...
26 September 2020 Yasuwe: 1397 0

Alikiba yibasiye Diamond na Harmonize

Umuyobozi mukuru wa Kings Music Records Ali Saleh Kiba uzwi ku izina rya...
25 September 2020 Yasuwe: 1215 0

Indirimbo Abana b’Afurika ya Kayitare Wayitare Dembe igiye gusubirwamo mu...

Umuhanzi nyarwanda Kayitare Wayitare Dembe wamamaye mu ndirimbo yakunzwe...
25 September 2020 Yasuwe: 453 0

Miss Mutesi Jolly yibasiwe bikomeye kubera ubutumwa yahaye abangavu

Mutesi Jolly wabaye Nyampinga w’u Rwanda mu 2016, yibasiwe bikomeye nyuma yo...
25 September 2020 Yasuwe: 2262 0

Umubyeyi w’abana 2 yadusangije ubuhamya bw’ibyamubayeho byatumye atura Imana...

Umubyeyi w’abana babiri witwa Umugwaneza Devotha yagejeje ubuhamya bwe ku...
24 September 2020 Yasuwe: 2768 1