startimes
startimes

Diamond yamaze kubona umukunzi mushya bitegura kurushingana

Imyidagaduro   Yanditswe na: Martin Munezero 15 July 2020 Yasuwe: 6363

Nyuma y’amezi agera kuri atanu yari amaze atandukanye na Tanasha Donna Oketch banabyaranye umwana w’umuhungu, umuhanzi Diamond Platnumz yatangaje ko yamaze kubona umukunzi mushya yifuza no kuzarushingana nawe .


Sponsored Ad


Nasseb Abdul w’imyaka 30, umuhanzi w’umunya-Tanzania uzwi nka Diamond Platnumz ku mazina y’ubwamamare bwe, yatangaje ko nyuma yo kubona umukunzi mushya, yahise yiyemeza gushinga urugo kuko arambiwe imikino yo gutereta no kwiruka mu bakobwa kuko imyaka irimo kumucika, igihe agezemo kikaba ari icyo gutuza nk’uko yabitangarije ikinyamakuru cy’imyidagaduro muri Tanzania ‘Kahawatungu.com’. Diamond Ati:

Sinkiri njyenyine mfite umugore nshaka kurongora tukabana. Nk’ubu ku itariki ebyiri z’ukwezi kwa cumi ndaba nujuje imyaka 31, rero sinshaka kuguma mu mikino. Ngomba kurongora.

Uyu muhanzi ukunzwe cyane mu karere no muri Afurika ntiyigeze atangaza amazina y’uyu mukunzi we, gusa icyo yakomeje ahamya ni uko we n’uyu mukunzi we mushya bafite gahunda yo gukora ubukwe bagashinga urugo kandi mu gihe cya vuba.

Aa makuru akaba aje numa yuko se umubyara, Abdul Juma, mu minsi ishize yamusabye gushyira hasi umupira akava mu mikino arimo, akareka kwirirwa azenguruka mu bakobwa ahubwo agahitamo uwo yumva amubereye bazabana agashinga urugo nk’abandi.

Diamond ni umwe mu bahanzi b’ibyamamare bavuzweho ubushurashuzi no kujarajara cyane mu bakobwa batandukanye, nyuma y’uko uwo bakundanaga wese batamaranaga kabiri, ibi bikaba aribyo binatuma afite abana bane bose badahuje ba nyina.

Uyu mukunzi mushya wa Diamond namenyekana araba babaye uwa gatanu mu bagore bazwi bakundanye nawe nyuma ya Wema Sepetu wabaye Nyampinga wa Tanzania mu 2006, umunyamideli w’umunya-Uganda, Zari Hassan, Hamisa Mobetto n’umunya-Kenya Tanasha Donna Oketch baheruka gutandukana mu mezi atanu ashize, ari nawe byari byitezwe ko bazarushingana bakabana mu buryo bwemewe n’amategeko.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble gatali

    DIAMOND ateye ubwoba mu gushurashura.Abo mwavuze ni abo babanye gusa.Abo baryamanye ntibabarika.Aba STARS n’inkumi,wagirango ni itegeko ko baryamana.Biraborohera kuko abakobwa benshi bakeka ko umu STAR aba ari umuntu udasanzwe.Bigatuma abakobwa bishyira abahungu,bakaryamana.Nubwo benshi mubyita ngo" bari mu rukundo",ntabwo ari byo kuko akenshi iyo amaze kuguhaga,araguta agafata undi.Ibyo se nirwo rukundo?Bibabaza imana yacu itubuza gusambana.Abantu bose bakora ibyo imana itubuza,ntabwo bazaba muli paradizo nkuko 1 Abakorinto 6,imirongo ya 9 na 10 havuga.Ntacyo bimaze kwishimisha akanya gato,hanyuma ukazabura ubuzima bw’iteka muli paradizo.Abantu bumvira imana,nubwo nabo bapfa,bazazuka ku munsi w’imperuka nkuko bible ivuga.

    3 weeks ago

Inzindi nkuru

Ikiganiro-Kuki Umuhanzi Yverry yinjiye muri cinema? Agace kambere...

Rugamba Yves wamamaye cyane mu muziki nk’Umunyempano,Umuhanga mu miririmbire...
5 August 2020 Yasuwe: 610 0

Hamisa Mobetto yahaye ubutumwa Diamond nyuma yo kumwizera akambara imyenda...

Umunyamidei Hamisa Mobetto yohereje ubutumwa bwo gushimira papa w’umwana we...
5 August 2020 Yasuwe: 8084 0

Beyonce yashyize hanze amafoto adasanzwe azagaragara muri Filimi ifite...

Umuhanzikazi Beyoncé, umwe mubagore bakunzwe cyane ku isi, yashyize hanze...
4 August 2020 Yasuwe: 1829 0

Abafana ba Mwiseneza Josiane yabateye kuvuga bitewe n’umupira...

Miss Mwiseneza Josiane mu minsi ishize ubwo yashyiraga hanze ifoto yambaye...
4 August 2020 Yasuwe: 9206 0

Ifoto y’umunyarwandakazi Kate Bashabe yatumye abasore bamutomagura...

Kate Bashabe ni umwe mu banyarwandakazi kuri ubu bakurikirwa n’abantu benshi...
3 August 2020 Yasuwe: 10164 1

Hakizimana yegukanye irushanwa rya Miss Ngozi ahembwa ibihumbi 248 Frw mu...

Mu ijoro ryo kuri iki Cyumweru tariki 03 Kanama 2020 mu Burundi nibwo...
3 August 2020 Yasuwe: 2136 0