skol
startimes

Diane wamenyekaniye muri Filimi ya City Maid yakorewe ibirori byo gusezera ku bukumi[AMAFOTO]

Imyidagaduro   Yanditswe na: Martin Munezero 2 December 2020 Yasuwe: 6084

Usanase Bahavu Jeannette wamenyekanye nka Diane muri Filime y’Uruhererekane ya Citymaid, yakorewe ibirori byo gusezera ku bukumi bizwi nka ‘Bridal Shower’, umuhanzi Yvanny Mpano aratungurana.


Ibi birori byabaye ku Cyumweru tariki 29 Ugushyingo 2020. Byitabirwa n’ab’igitsinagore barimo abo mu muryango we ndetse n’abandi b’inshuti ze za hafi.

Ubundi ntibisanzwe ko ibirori nk’ibi bijyamo abagabo kuko bihuriramo abagore n’abakobwa baba bashaka gusezera kuri mugenzi wabo, bakamugira inama zijyanye n’uko azubaka urugo.

Ubwo ibya Bahavu byabaga, umuhanzi Yvanny Mpano yatunguranye aramuririmbira. Hari hari n’abandi bantu bakeya b’igitsinagabo.

Akanyamuneza kari kose kuri uyu mukobwa nk’uko bigaragarira mu mafoto yagiye hanze gusa hari n’aho ibyishimo byamurengaga agasuka amarira.

Yanditse kuri instagram agaragaza ko yishimiye ibi birori bye, ashimira abantu bamubaye hafi.

Yagize ati “Uwiteka ashimwe ku bwanyu, kuba mbafite bituma nshima uhoraho Rurema byose wabampaye akomeze kubagirira neza mu byo mukora byose […]”

Mu Ugushyingo Bahavu yari aherutse gukorerwa ibirori byo kumwerekera guteka bizwi nka ‘Kitchen Party’.

Bahavu na Ndayirukiye Fleury ‘Legend’ bamaze igihe batangaje ko bakundana. Tariki 17 na 20 Ukuboza 2020 nibwo hazaba ubukwe bw’uyu mukobwa umaze kuba icyamamare mu ruganda rwa filime mu Rwanda.

Amatariki y’ubukwe bwabo yatangajwe nyuma yuko tariki 17 Nyakanga, Fleury ‘Legend’ yamwambitse impeta, akamusaba ko yamubera umugore, undi na we akabyemera nta kuzuyaza. Ni mu birori byahuriranye n’ibyo kwizihiza isabukuru y’amavuko y’uyu mukobwa.

Fleury ‘Legend’ asanzwe akora akazi ko gufata amashusho akanayatunganya, ndetse ni we utunganya filime Impanga y’umukunzi we.

Usanase Bahavu Jeannette na Ndayirukiye Fleury bamenyanye mu 2015 ariko baba inshuti mu 2016, bivuze ko imyaka irenze ine bakundana.

Usanase yamenyekanye cyane muri filime y’uruhererekane ’Citymaid’ ica kuri Televiziyo Rwanda, aho yari umwe mu bakinnyi b’ingenzi, ariko muri filime yaje kwitaba Imana, bityo akaba atazongera kuyigaragaramo.

REBA AMAFOTO:




Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amafoto Yaciye Ibintu:ShaddyBoo yashotoye igitsina gabo mu buryo budasanzwe...

Shaddy Boo yongeye kwigarurira imitima y’abagabo batari bake ,bamwe bacika...
15 January 2021 Yasuwe: 14294 0

Masanobu Sato ni we wegukanye umudari mu kwikinisha ku Isi

Masanobu Sato, umusore ufite inkomoko mu mugi wa Tokyo mu gihugu...
15 January 2021 Yasuwe: 7954 0

Amayeri Meddy akoresha ahisha inyinya ye yavumbuwe,n’impamvu...

Ngabo Jobert Médard uzwi ku Izina rya Meddy amaze iminsi avugisha benshi...
15 January 2021 Yasuwe: 8224 0

Wa musore uri mu rukundo na Miss Uwase Vanessa akomeje kumuhundagazaho...

Urukundo hagati ya Miss Vanessa n’umusore w’umunyarwanda w’umuhanzi ukorera...
14 January 2021 Yasuwe: 7326 0

Mugihe kitarenze icyumweru Miss Uwase Vanessa atandukanye n’umuherwe wo muri...

Umusore umaze iminsi yerekana ko ari mu rukundo na Miss Uwase Vanessa...
13 January 2021 Yasuwe: 11366 1

IFOTO Y’UMUNSI: Umuhanzi The Ben na Pamella bongeye kuvugisha...

Umuhanzi The Ben uri mu bakunzwe cyane mu Rwanda no muri EAC yongeye...
13 January 2021 Yasuwe: 6694 0