Edward Mihigo ukoresha amazina yubuhanzi ya Eddy Mihigo utuye mu karere ka Huye ,akaba yaririmbaga muri Korali y’Abakatolika nyuma za kwinjira mu ruhando rwa muzika nyarwanda,aho we yaje yibanda ku buzima busanzwe bwibanzemo ubw’urukundo.

Sponsored Ad

Ubusanzwe amazina abanyeyi bise uyu muhanzi mushya muri muzika nyarwanda ni Edward Mihigo akaba afite imyaka 29 y’amavuko,akaba yarize amashulie ye yose Yisumbuye mu Isemineri izwi nka Petit Seminaire Virgo Fidelis,yiga MCB ‘Mathematics-Chemistry and Biology’.

Eddy Mihigo akaba yararirimbaga muri Korali yo mu kigo cy’ishuli cy’abihaye Imana yigagamo ‘Petit Seminaire Virgo Fidelis,nyuma yo gusoza amashuli ye yisumbuye akaba aribwo yinjiye mu ruhando rwa muzika nyarwanda akaririmba ku buzima busanzwe no ku rukundo,aho yatangiriye mu itsinda ryitwa The Walkers.

Aganira n’ikinyamakuru UMURYANGO yavuze ko nyuma yaje gukora umuziki we bwite Atari mu itsinda ,aho yahereye ku ndirimbo yise ‘Ndemeye’ mu buryo bw’amajwi yakozwe na Chris Cheetah umusore nawe wagiye ugaragaza ubuhanga budasanzwe mu gutunganya indirimbo mu buryo bw’amajwi.

Eddy Mihigo akaba yakomeje avuga ko yakomeje gukora indirimbo dore ko akora injyana zitandukanye zirimo ‘Rnb,Zouk,AfroPop nizindi’,ubu ngo akaba aheruka gukora indirimbo yise PARADIZO NTO yakozwe na Piano The Grooveman.