startimes
startimes

Eric Senderi yahishuye icyo nawe yifuza gufasha impunzi zavuye muri Libya

Imyidagaduro   Yanditswe na: Martin Munezero 29 September 2019 Yasuwe: 1380

Senderi International Hit arifuza kujya i Gashora mu Bugesera kuririmbira no kwigisha umuco nyarwanda n’ururimi rw’Ikinyarwanda itsinda ry’impunzi n’abandi bashaka ubuhungiro baturutse muri Libya, bageze mu Rwanda kuwa Kane.


Sponsored Ad


Uyu muhanzi mu butumwa yacishije ku rukuta rwe rwa Instagram yasabye abo bireba ko bamufasha akazajyayo vuba aha ubwo izi munzi zizaba zimaze gutangira kumenyera mu Rwanda.

Ati “Ndashimira Leta yu Rwanda yakiriye impunzi z’ibihugu bitandukanye bya Afurika zabaga muri Libya ubu zikaba zakiranywe yombi n’abayobozi b’u Rwanda mu Burasirazuba bw’u Rwanda”.

“Nibamara kuruhuka ndifuza kuzasaba Minisiteri y’Ibikorwa by’Ubutabazi [MINEMA] na UNHCR ishami ryayo mu Rwanda nta kiguzi nkabataramira tukabereka ko mu Rwanda harangwa n’ibyishimo, isuku n’umutekano kuko ibyishimo ariryo nshingiro ryo kubaho cyane cyane mu bihe nk’ibi izi mpunzi zirimo.”

Uyu muhanzi yanabwiye IGIHE dukesha iyi nkuru ko uretse kubaririmbira ashaka no kuzajyayo akabigisha Ikinyarwanda kugira ngo babe mu gihugu bisanzuyemo ku buryo banavugana n’abanyarwanda.

Ishami ry’Umuryango w’Abibumbye ryita ku mpunzi (UNHCR) muri Libya, ryatangaje ko ‘abenshi mu mpunzi bari muri uru rugendo ari abana batari kumwe n’imiryango, abagore b’abapfakazi ndetse n’imiryango’.

Amasezerano areba impunzi zimwe z’Abanyafurika zaheze muri Libya ziri mu mayira zishaka kujya i Burayi, yashyizweho umukono ku wa Kabiri tariki ya 10 Nzeri hagati y’u Rwanda, Umuryango wa Afurika yunze Ubumwe (AU) n’Ishami ry’Umuryango w’Abibumbye ryita ku mpunzi, UNHCR.

U Rwanda rwatangaje ku ikubitiro ko ruzakira impunzi 500, icyiciro cya mbere cyageze mu Rwanda ari 66. Bazanywe n’indege ya Buraq Air, ibagejeje i Kigali burizwa imodoka bajyanwa mu nkambi bagiye gucumbikirwamo i Gashora mu Karere ka Bugesera.

Inkambi ya Gashora isanzweho kuko yifashishijwe mu kwakira ibihumbi by’impunzi z’Abarundi mu 2015. Irimo ibyangombwa nk’ibibuga by’imikino, aho kurara n’ibindi nkenerwa, ubu irimo kongererwa ubushobozi kugira ngo izakire izo mpunzi. Nyuma yo kongererwa ubushobozi ntabwo izaba ikiri inkambi inyurwamo by’igihe gito, izaharirwa izi mpunzi mu buryo bw’igihe kirekire.

Uyu muryango wakomeje uvuga ko gutuzwa mu Rwanda kwabo, bizatuma babaho batekanye nyuma y’imyaka myinshi bari mu bibazo.

Izi mpunzi zageze muri Libya zishakisha uko zakwerekeza ku mugabane w’u Burayi aho zizeraga kubaho neza, kwambuka inyanja ya Méditerranée byaranze ziguma muri Libya ndetse zitangira kugirirwa nabi kugeza ubwo u Rwanda rwamenye ubuzima zibayemo rukiyemeza kuzitabara.

Senderi wifuza kujya kuririmbira izi mpunzi ni umwe mu bahanzi bahorana udushya. Yamamaye mu ndirimbo zitandukanye zirimo izijyanye n’ibihe byo kwibuka, izivuga ku buzima busanzwe ndetse n’izindi zivuga ku bikorwa bya leta.

We na Tuyisenge Intore baherutse gusabwa na Perezida wa Repubulika Paul Kagame guhindura amagambo ari mu ndirimbo bise ibidakwiriye, ivuga ku iterambere u Rwanda rumaze kugeraho kubera ubuyobozi bwiza.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Mparambo

    Kubigisha uwuhe muco ? Gutega amahembe nk’inka ? Buriya se yibonamo échantillon(sample) y’uwakwigisha abanyamahanga umuco cyangwa kwigisha ururimi? Erega si ugupfa kwigisha! Ahubwo ministère ibashinzwe izajye ishishoza ku bajyayo kugira ibyo bigisha batazagirango ibyo bazanirwa ni wo muco nyarwanda koko.

    September 2019

Inzindi nkuru

The Ben na Miss Uwicyeza Pamella afata nka mushiki we basohokanye muri...

Mu gihe hamaze iminsi hahwihwiswa amakuru ko Miss Pamella Uwicyeza yaba...
11 August 2020 Yasuwe: 4102 0

Harmonize yasebeje uwahoze ari umukunzi we ahishura n’uburyo yari yaremereye...

Mu mpera z’icyumweru gishize, umuyobozi mukuru wa Konde Music Worldwide,...
11 August 2020 Yasuwe: 1586 0

Umuhanzikazi wo muri Uganda Jackie Chandiru bwa mbere yahishuye uburyo...

Umuhanzikazi ukomoka mu gihugu cya Uganda, Jackie Chandiru uzwi ku izina...
11 August 2020 Yasuwe: 858 0

ShaddyBoo yagaragaje agahinda gakomeye yatewe na Polisi y’u Rwanda yinjiye...

Kuri iki cyumweru Tariki 9 nzeri 2020 Mbabazi Shadia uzwi nka (Shaddy Boo)...
10 August 2020 Yasuwe: 8094 2

Bruce Melody yihakanye ibyo kumenyekanisha muzika ya The Ben

Bruce Melody yahakanye ibyo gusinyisha umuhanzi Mugisha Benjamin uzwi nka...
10 August 2020 Yasuwe: 683 0

Corazon Kwamboka wamenyekaniye mu gusakaza amafoto y’ubwambure bwe...

Corazon Kwamboka umukobwa wamamaye cyane ku mbugankoranyambaga kubera...
10 August 2020 Yasuwe: 2421 0