Harmonize yemeye guha Diamond indishyi y’akayabo k’amamiliyoni y’amanyarwanda

Imyidagaduro   Yanditswe na: Martin Munezero 25 October 2019 Yasuwe: 3299

Umuhanzi Rajab Abdul Kahali uzwi cyane nka Harmonize, yemeye gutanga miliyoni 500 z’amashiringi ya Tanzania (asaga miliyoni 194 z’Amanyarwanda) ayaha mugenzi we Diamomd Platnumz, nk’indishyi yo kuba yaravuye mu nzu itunganya umuziki ya Wasafi.



Muri Kanama uyu mwaka ni bwo Harmonize uri mu bahanzi bafite izina rikomeye mu muziki wa Tanzania yatangaje ko yatandukanye n’inzu itunganya umuziki ya Wasafi Baby Record isanzwe iyoborwa na Diamond Platnumz.

Uku kwikura muri Wasafi kwaje gukurikira amakuru yari amaze iminsi avuga ko aba bahanzi bombi batagicana uwaka.

Mu kiganiro yagiranye n’imwe mu maradiyo yomuri Tanzania, Harmonize yatangaje ko yategetswe ko agomba kwishyura Wasafi miliyoni 500 z’amashiringi ya Tanzania, nk’indishyi y’ibyo yatanzweho byose ubwo yageraga muri iyi nzu itunganya umuziki yagize uruhare mu kwamamara kwe.



Harmonize yavuze ko yamaze kugurisha inzu ze ebyiri kugira ngo yishyure iri deni, gusa akaba atararangiza kuryishyura ryose ngo kuko hari amafaranga make asigaje kwishyura.

Uyu muhanzi kandi yashimangiye ko umubano we n’ubuyobozi bwa Wasafi utakiri mwiza nk’uko wari umeze mbere.

Ati” Ntabeshye, umubano wanjye n’abari abayobozi banjye ntabwo wifashe neza nk’uko mbere byari bimeze, hanyuma kuba batarabashije kwitabira ubukwe bwanjye, nari nifuje ko umunsi w’ubukwe bwanjye witabirwa n’abavandimwe duturanye mu mudugudu ariko tubanye neza.”



Mu gihe uyu muhanzi azaba yarangije kwishyura ariya mafaranga yose, ni bwo azongera guhabwa uburenganzira bw’indirimbo ze ndetse anegurirwe burundu izina Harmonize yahawe akigera muri Wasafi Baby Records.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Covid-19:Miss Rwanda yagobotse abadafite ibyo kurya

Nishimwe Naomie wabaye Miss Rwanda 2029 yateye inkuga y’ibiribwa imiryango...
8 April 2020 Yasuwe: 1023 0

Ibitaro byitiriwe umwami Faisal byavuze ku kuba ngo byararangaranye Deejay...

Ubuyobozi bw’ibitaro byitiriwe Umwami Faisal bwanyomoje amakuru yakomeje...
7 April 2020 Yasuwe: 10220 1

Umuhanzi Gaël Faye wakize icyorezo cya Covid-19 yavuze ku buzima yarimo ubwo...

Umwanditsi akaba n’Umuhanzi w’Umunyarwanda ufite ubwenegihugu bw’Ubufaransa...
7 April 2020 Yasuwe: 1424 0

Nana wamenyekaniye muri City Maid yavuze uburyo umubiri we agomba...

Umukinnyi wa cinema nyarwanda wamenyekanye cyane muri filime y’uruhererekane...
5 April 2020 Yasuwe: 8300 0

Huddah Monroe yavuze uburyo yoherereje igitsina cye Mama we...

Huddah Monroe, umunya-Kenyakazi utajya aripfana ku byerekeye igitsina gore...
5 April 2020 Yasuwe: 6925 0

Umukobwa wa Mayweather yatawe muri yombi azira gukubita no gukomeretsa

Iyanna Mayweather yatawe muri yombi azira gukubita Lapattra Lashai Jacob,...
5 April 2020 Yasuwe: 2821 0