addresiya
startimes

Igikorwa cy’ubumuntu Kanye West yakoreye umuntu usabiriza cyashimangiye ko yayobotse Imana[AMAFOTO]

Imyidagaduro   Yanditswe na: Martin Munezero 16 January 2020 Yasuwe: 3346

Umuraperi Kanye West ukomeye cyane muri Leta zuzne ubumwe za Amerika, yatangaje umubare utari muke w’abakurikirana ibikorwa bye, nyuma y’igikorwa yakoze cyo gufasha umusaza utagira aho kwegeka umusaya.



Uyu muhanzi usanzwe uzwiho n’ibikorwa by’imideli ndetse n’ubushabitsi butandukanye yigaruriye imitima ya benshi nyuma y’uko akomeje kugaragaza ko inzira yayobotse y’Ubukiristo akomeje kuyishimangira mu bikorwa bye bya buri munsi.

Uyu muraperi ejo kuwa Gatatu yahagaritse imodoko ye ifite agaciro ka miliyoni Frw 200( ni ukuvuga ibihumbi $200) ategeka umurinzi we guha umusaza udafite aho akinga umusaya amafaranga.

Ibi yabikoze kandi nyuma y’igihe gito amaze yeruye ku mugaragaro ko yabaye umurokore agaca ukubiri n’ibikorwa byose byatuma akomeza kugendera mu nzira za sekibi wari usa naho yamwigaruriye.

Uyu muraperi w’imyaka 42 y’amavuko avuga ko yari abizi neza ko yahamagawe n’Imana ariko ko Satani atatumaga afata imyanzuro ikwiye.

TMZ ivuga ko muri iki gihe afite ikiganiro kivuga ku ijambo ry’Imana yise Sunday Service.

Kanye West amaze gutwara ibihembo bya Grammy Awards inshuro 21, akaba ari umwe mu baraperi bakomeye ku isi.

Mu Ugishyingo, 2019 yabwiye umupasiteri witwa Joel Osteen ati: “ Ndabizi ko nahamagawe n’Imana kera ariko Satani nawe ntiyari anyoroheye.”

Avuga ko ubwirasi n’ubwibone bwose bwamugaragaragaho butazongera ukundi, ubu ngo yabaye mushya.

West avuga ko ubu iyo ahagaze yumva yemye kandi ko ‘nta ntwaro izagarukira kumurwanya izamushobora kuko ari kumwe n’Imana’.

Avuga ko bisa n’aho sekibi ahaguruka agahamagara abantu bose bakomeye, baba abahanzi, abanyabugeni n’ubukorikori, abahanga imideri bose, ba rwiyemezamirimo, akababwira ati’ Mwese muhaguruke muze munsange.”

Ku wa Gatandatu taliki 18, Mutarama, 2020 Kanye azifatanya n’abandi bavuga butumwa mu giterane kizabera ahitwa Sun Devil Stadium mu gace kitwa Tempe.

Ni igiterane kizamara amasaha icumi kikazaba kirimo abandi bavugabutumwa bakomeye nka Ché Ahn, Lou Engle, Cindy Jacobs na Guillermo Maldonado.

Yaba Kanye na bariya bose bazifatanya muri kiriya gitaramo ni abashyigikiye Perezida Donald Trump.

Kanye West ashimangira ko ubuzima bwe bwa buri munsi yabushyize mu biganza by’Imana, nyuma yo kumenya ko yari akenewe nayo n’ubwo bitahise bimworohera ko ahita ayiyoboka,

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble nzaramba

    Nizere ko ibyo avuga aribyo.Kubera ko benshi aba Stars benshi bitwa abarokore ariko bagakora ibintu Imana itubuza.Urugero ni abakora ubusambanyi cyangwa babana n’abo batateye igikumwe.Uyu nawe ndakeka ko atateye igikumwe n’umugore we Kardeshian.Umurokore nyakuri ni umuntu ukora ibyo Kristu yasize adusabye,akirinda gukora ibyo yatubujije.

    4 months ago

Inzindi nkuru

Umuhanzi w’Umuraperi yavuze uburyo yahuriye mu kabyiniro n’umukobwa wa...

Umuraperi wo muri Ghana witwa Reggie Rockstone yavuze ukuntu yahuriye...
2 June 2020 Yasuwe: 3278 0

Ifoto y’umukobwa wo muri Nigeria witiranwa n’umwana wa Beyonce na Jay-Z...

Hari ifoto y’umukobwa uhuriye ku izina rya Ivy n’umukobwa wa Beyonce witwa...
2 June 2020 Yasuwe: 2151 0

Zari Hassan yeretse uburakari umufana wamusabye gusubirana na...

Hari umufana utavuzwe izina n’ibitangazamakuru byo muri Tanzanie byaramutse...
1 June 2020 Yasuwe: 2437 1

Wizkid yavuze amagambo asingiza Imana kubera urupfu rwa George Floyd...

Umuhanzi Wizkid wo muri Nigeria yavuze ku rupfu rw’umwirabura George Floyd...
1 June 2020 Yasuwe: 4238 0

Davido yateranye amagambo n’abafana be bahita bamwita Burna Boy

Abahanzi babiri bo muri Nigeria Davido ndetse na mugenzi we Burna Boy...
1 June 2020 Yasuwe: 793 0

Reba ibyamamare 6 bizwi cyane byanze ’Kurushinga’[AMAFOTO]

Gushyingirwa ntabwo ari garanti y’ibyishimo. Bamwe mu bashakanye ubuzima...
31 May 2020 Yasuwe: 10148 1