addresiya
startimes

Indirimbo nyandagazi irimo ubusambanyi yatumye umuhanzikazi Rosa Ree ahagarikwa na leta ya Tanzania

Imyidagaduro   Yanditswe na: Martin Munezero 15 November 2019 Yasuwe: 4069

Abategetsi bo muri Tanzania bahagaritse umukobwaukora injyana ya Rap witwa Rosa Ree ngo ntazongere gukora ibitaramo mu gihe cy’amezi atandatu, kubera videwo y’indirimbo aherutse gusohora "yarenze ku muco w’igihugu".



Urwego rugenzura abahanzi muri Tanzania ruzwi nka ’Baraza la Sanaa la Taifa’ (BASATA), rwongeyeho ko iyo ndirimbo yitwa ’Vitamin U’ yarenze ku mabwiriza yarwo.

Uwo muhanzi agaragaramo ari kumwe na Timmy Tdat, umusore bakundana na we w’umuhanzi wo muri Kenya.

Iryo hagarikwa rivuze ko Rosa Ree atazanemererwa gukora ibitaramo hanze y’igihugu kandi ko agomba kuriha amande y’amadolari 870 y’Amerika, nkuko bitangazwa n’ikinyamakuru The Citizen kitegamiye kuri leta.

Onesmo Kayanda, umuyobozi w’agateganyo w’urwego rwa BASATA, yavuze ko basanze uwo ’muraperi’ yarakoze amakosa abiri, nkuko bitangazwa n’ikinyamakuru The Citizen.

Ati:

"Twatumije Rosa Ree tugira ibyo tumubaza. Urwego [rwacu] rwamusanganye amakosa yiyongera ku gutangaza ibintu nyandagazi ku rubuga rwa internet".

"Irya mbere, nta na rimwe yigeze azanira BASATA umushinga w’indirimbo ye ngo ugenzurwe.

"Irya kabiri ntabwo yakoranye kontaro n’umuhanzi w’umunyamahanga bakoranye indirimbo nkuko biteganywa n’amategeko".

Videwo ya mbere y’iyo ndirimbo yashyizwe ku rubuga rwa YouTube, yaje gukurwaho kubera ko "ibiyirimo ari nyandagazi", nkuko bitangazwa n’urubuga rwa Nairobi news rwo muri Kenya.

Indi videwo y’iyo ndirimbo urwo rubuga ruvuga ko yari "isukuye", yashyizwe kuri internet mu cyumweru gishize, ubu imaze kurebwa inshuro zigera ku 180,000.

Iyo videwo imara iminota itatu gusa ibice bimwe byayo birahishwe.

Mu mwaka ushize, urwego rwa BASATA rwahannye umuhanzi Diamond Platnumz nyuma yo kubyina indirimbo yari yaraciwe kuko igaragaramo ibijyanye n’imibonano mpuzabitsina.

Iyo ndirimbo yitwa "Mwanza" irimo ijambo ry’Igiswayile risobanura umuntu "ushaka cyane gukora imibonano mpuzabitsina", ndetse ababyinnyi bakagaragara bigana icyo gikorwa.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ali Kiba yashyize hanze umurundo w’amafoto y’umwana we abafana bemeza ko ari...

Abafana b’umuhanzi Aki Kiba batangariye ubwiza bw’umwana we ndetse bashaka...
27 May 2020 Yasuwe: 1557 1

Urukundo Harmonize yakundaga Diamond yerekanye ko ntaho rwagiye

Abafana n’abakunzi b’umuhanzi Harmonize batunguwe no kubona uyu wamamaye mu...
27 May 2020 Yasuwe: 1551 0

Umukobwa ukina filimi muri Ghana yaciye ibintu kubera ukuntu yavuze ko...

Umukinnyi wa filimi uri kumenyekana cyane mu gihugu cya Ghana giherereye...
27 May 2020 Yasuwe: 3358 1

Davido yabwiwe ko afite umutima wa Zahabu ubwo yatunguraga umuzamu we...

Umuhanzi w’icyamamare Davido yavugishije abatari bacye ubwo yatunguraga...
27 May 2020 Yasuwe: 2446 0

Kayitare Wayitare Dembe yavuze uburyo ariwe Mwami w’aba-Slay Queen yimika...

Umuhanzi nyarwanda Kayitare Emmanuel wamenyekaniye mu muziki ku izina rya...
25 May 2020 Yasuwe: 3344 0

Ku munsi w’irayidi Diamond yerekanye amatuza n’inda bitera benshi kuyakunda...

Icyamamare mu njyana ya Bongo Flava mu gihugu cya Tanzanie witwa Nasibu...
25 May 2020 Yasuwe: 5318 0