startimes
startimes

J. Minani wagiye muri Amerika afite imyaka 8 yavuze byinshi ku buzima bukakaye yabayemo mu nkambi y’impunzi n’ibihembo yagiye ahabwa kubera impano ye[AMAFOTO]

Imyidagaduro   Yanditswe na: Martin Munezero 9 July 2019 Yasuwe: 2197

J Minani umuhanzi w’umunyarwanda ukorera muziki muri Amerika aho atuye we n’umuryango we kuva mu mwaka 2006,uyu musore ubusanzwe witwa Jeremie Minani afite inzozi zo guteza imbere impano za Hip Hop Mu Rwanda.


Sponsored Ad


Minani ubusanzwe akomoka mu Karere ka Nyamagabe mu ntara y”amajyepfo akaba afite imyaka 20 ,aba muri Canada n”umuryango we.

Yavutse mu mwaka wa 1998 Imyaka ine gusa Jenoside yakorewe abatutsi irangiye,akaba yarabaye mu buzima bukomeye bwo mu nkambi y’impunzi kugeza ubwo we n’Umuryango we bimukiraga ku mugabane w’Amerika .

J Minani avuga ko nubwo babaye mu buzima bukomeye yari afite inzozi zo kuzaririmba nkuko mu nkambi babagamo bamwitaga The Music Kid,yaje kujya mu itorero ribyina ibya gakondo bitaga Intore atangira kugenda agera kubyo yifuza.

Ku myaka umunani gusa akigera muri Canada,J Minani mu mwaka 2011 nibwo yatangiye kwandika indirimbo ndetse no kugaragaza impano yo kuzaba umuraperi mwiza .

Yongeyeho ko ngo ubwo yatangiraga kuririmba yumvaga abantu benshi bamwinjiriye mu buzima bamuca intege ariko muri we akomeza gukoresha ingufu nyinshi kuko ngo yabonaga ko aricyo gihe ngo yerekane impano kugira nawe azafashe abandi bafite impano yo kuririmba injyana ya Hip Hop .

J Minani kuva yatangira muzika ye amaze gutumirwa mu bitaramo bitandukanye kandi bikomeye muri Canada nka We days,Kids Initiative,TJ’S gift Foundation n’ibindi byinshi,kandi akaba amaze guhabwa ibihembo bitandukanye birimo icyo yaherewe ku ishuri rya Luis Riel nibindi yahawe na Global News TV.

Zimwe mu nzozi ze afite ubu ngo ni ugukomeza gukora cyane ndetse no gufasha urubyiruko rundi rwavuye mu buzima bukomeye kuzamura Impano zabo.

Umunyarwanda J Minani yishimira ko kuva yatangira muzika ubu afite inzu Itunganya muzika ye ku giti cye akaba ari nawe uyiyobora yitwa Elyon Inc ,ikindi nuko ari n’umwe mu bazagaragara mu nkuru mbarankuru ivuga ku Rwanda Rushya yakozwe n’umunya-Canada Julie Epp.

Mu gusoza yavuze ko kandi hari igihangano gishya ahishiye abakunzi be n’abanyarwanda muri rusange kuko ngo mu minsi mike azaza mu Rwanda,aho azaba aje kumenyekanisha Ibihangano bye,akazagira ibiganiro bitandukanye ku bitangazamakuru bikomeye mu Rwanda harimo na RBA,aho azakorana ikiganiro n’Umunyamakuru Nzeyimana Luckman ndetse ari nabwo azahita aboneraho gushyira hanze indirimbo ye nshya ku Itariki 24 Nyakanga 2019.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ikiganiro-Kuki Umuhanzi Yverry yinjiye muri cinema? Agace kambere...

Rugamba Yves wamamaye cyane mu muziki nk’Umunyempano,Umuhanga mu miririmbire...
5 August 2020 Yasuwe: 572 0

Hamisa Mobetto yahaye ubutumwa Diamond nyuma yo kumwizera akambara imyenda...

Umunyamidei Hamisa Mobetto yohereje ubutumwa bwo gushimira papa w’umwana we...
5 August 2020 Yasuwe: 7938 0

Beyonce yashyize hanze amafoto adasanzwe azagaragara muri Filimi ifite...

Umuhanzikazi Beyoncé, umwe mubagore bakunzwe cyane ku isi, yashyize hanze...
4 August 2020 Yasuwe: 1787 0

Abafana ba Mwiseneza Josiane yabateye kuvuga bitewe n’umupira...

Miss Mwiseneza Josiane mu minsi ishize ubwo yashyiraga hanze ifoto yambaye...
4 August 2020 Yasuwe: 8973 0

Ifoto y’umunyarwandakazi Kate Bashabe yatumye abasore bamutomagura...

Kate Bashabe ni umwe mu banyarwandakazi kuri ubu bakurikirwa n’abantu benshi...
3 August 2020 Yasuwe: 10110 1

Hakizimana yegukanye irushanwa rya Miss Ngozi ahembwa ibihumbi 248 Frw mu...

Mu ijoro ryo kuri iki Cyumweru tariki 03 Kanama 2020 mu Burundi nibwo...
3 August 2020 Yasuwe: 2122 0