Jason Derulo yaririmbiye abafana be ari ku ibaraza baramushima

Imyidagaduro   Yanditswe na: Nsanzimana Ernest 29 October 2018 Yasuwe: 606

Umuhanzi Jason Derulo ku wa Gatanu yaririmbiye abafana be ari ku ibaraza aho kuba imbere mu nzu yagenewe kuberamo ibitaramo, nyuma yaho igitaramo cye cyari kubera i Prague mu murwa mukuru wa Repubulika ya Ceke (Czech Republic) kiburijwemo ku mpungenge z’umutekano.

Iki gitaramo cyari kubera mu nzu y’ibitaramo ya Tipsport Arena, cyaburijwemo habura amasaha ngo gitangire.
Nuko Derulo w’imyaka 29 y’amavuko, ahita aririmbira abafana be ari ku ibaraza, mu buryo atari yateguye.

Nubwo yavuze ko icyo gitaramo yacyimuriye ku yindi tariki, yavuze ko atashakaga gutuma abafana be batahira aho.
Mu butumwa yanyujije ku rubuga nkoranyambaga rwa Instagram, yagize ati: "Urukundo no kuba hamwe twasangiye mu ijoro ryacyeye [ryo ku wa gatanu] bizahora iteka ari nk’indasago ziri ku mutima wanjye.".

Mu butumwa bwa videwo yatangaje kuri Instagram, Jason agaragara abwirwa n’umuyobozi we w’igitaramo ko kitakibaye kubera impungenge z’umutekano.

Jason ahita agaragara ahangayicyishijwe n’abafana be, agira ati: "Bageze hano guhera saa moya za mugitondo, [bamaze hano] umunsi wose, muvandi".

Yongeyeho ati: "Ngiye hanze. Mpa indangururamajwi cyangwa ikindi kintu".
Nuko ahabwa indangururamajwi, ajya ku ibaraza ry’inzu iberamo ibitaramo, aririmbira abafana be indirimbo zirimo nka Talk Dirty na Swalla.
Ni ibintu byashimishije abafana be, bamwe bandika ubutumwa ku mbuga nkoranyambaga nka Twitter bamushimira. Derulo si we muhanzi wa mbere wiyemeje gukomeza igitaramo cyamaze kuburizwamo.

Mu ntangiriro y’uku kwezi kwa cumi, Becky Hill yaririmbiye mu mihanda y’imbere y’inzu iberamo ibitaramo ya Manchester Academy mu Bwongereza, nyuma yo kubwirwa ko igitaramo cye yari yamaze kurarikira abafana cyaburijwemo kubera uruhombo rw’amazi rwaturitse.
Jason Derulo akaba akomereza gahunda y’ibitaramo muri Serbia kuri iki cyumweru no muri Pologne ku wa kabiri.

Src: BBC

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Zari yashimiye cyane umukunzi we wamubonyemo ubwiza kandi ashaje[AMAFOTO]

Umunyamideri akaba n’umushabitsi wo muri Uganda, Zari Hassan , mu butumwa...
20 April 2019 Yasuwe: 3621 0

Mwiseneza Josiane yashyize hanze ukuri ku byerekeye ikibazo yagiranye...

Mwiseneza Josiane wakunzwe mu irushanwa rya Miss Rwanda 2019 bikamuviramo...
20 April 2019 Yasuwe: 4260 1

Mbere y’uko Pasika itangira abaturage bo mu Bwongereza basinze ku bwinshi...

Mu gihe abatuye isi bose bategereje kwizihiza pasika,Abongereza bo...
19 April 2019 Yasuwe: 3429 0

Nyuma ya Isimbi hadutse undi munyarwandakazi w’umuhanzi ukomeje gushyira...

Nyuma y’aho mu minsi yashize haje umukobwa witwa ISIMBI Noelline wari...
19 April 2019 Yasuwe: 13604 2

Miss Mwiseneza yerekanye umugabo ugiye kumubera umujyanama akamufasha muri...

Mwiseneza Josiane wamamaye cyane kubera irushanwa rya Miss Rwanda 2019...
19 April 2019 Yasuwe: 4522 1

Reba ubutumwa bw’ibyamamare bitandukanye birimo Anita Pendo,Tidjara...

Kimenyi Yves ni umwe mu banyezamu bakomeye mu Rwanda muri iki gihe, Kimenyi...
18 April 2019 Yasuwe: 6864 2