Jennifer Lopez yashyize hanze amafoto agaragaza uko byari byifashe umukunzi we amusaba ko yamubera umugore [AMAFOTO]

Imyidagaduro   Yanditswe na: Dusingizimana Remy 12 March 2019 Yasuwe: 3634

Umuhanzikazi Jennifer Lopez uri mu bamaze igihe bakunzwe ku isi yashyize hanze amafoto meza cyane agaragaza uko byari byifashe ubwo umukunzi we Alex Rodriguez yamwambikaga impeta akamusaba ko yazamubera umugore.

Muri uyu muhango wabereye ku mazi yo mu gihugu cya Bahamas kuwa Gatandatu w’icyumweru gishize, Alex Rodriguez yakubise ivi hasi asaba uyu muhanzikazi ko yazamubera umutima w’urugo, undi nawe aramwemerera.

Uyu mugabo w’imyaka 43 wahoze akina umukino wa Baseball yegukanye JLo umurusha imyaka 6 umaze gutandukana n’abagabo 4 bashakanye mu buryo bwemewe n’amategeko.

Alex wishimye cyane yanditse kuri Instagram ashimira abakunzi babo ati “Nta magambo yandi mfite kukubwira uretse ibyiyumvo gusa,kugushimira ndetse no kunezerwa.Turabizi ko dufite byinshi byo gukora kugira ngo twubake umuryango ukomeye n’ahazaza tuzishimira ariko ntitwabigeraho tutari kumwe namwe.Turabashimira kubera ubutumwa mwaduhaye mudushimira.”

Jennifer umaze gutandukana n’abagabo 3 yarahiriye ko uyu wa 4 we azamufata neza bakazasazana, mu gihe Alex ufite abakobwa 2 bakuru, ari inshuro ya 2 agiye gushaka.

Jennifer Lopez yashakanye n’abagabo benshi kuko mu mwaka wa 1997 yashakanye byemewe n’amategeko na Ojani Noa batandukana mu mwaka wakurikiyeho, muri 2001 yahise arushinga n’uwitwa Cris Judd wari umubyinnyi we batandukana hashize imyaka ibiri.

Muri 2004 Jennifer Lopez yarushinze n’umuririmbyi Marc Anthony,batandukana muri 2014 babyaranye abana babiri b’impanga kuri ubu bafite imyaka 11.

Jennifer yanakundanye n’ibindi byamamare birimo,P Diddy, Ben Affleck, Wesley Snipes, Tommy Mottola, David Cruz,Drake n’abandi.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Tanasha Donna umukunzi wa Diamond agiye kujya kwibagisha ikibuno

Tanasha Donna uri mu rukundo na Diamond Platnumz akaba agiye no kumubyarira...
19 August 2019 Yasuwe: 2052 0

Skol Lager mu isura nshya iteye ubwuzu[AMAFOTO]

Uruganda rwa Skol Brewery Ltd Rwanda rwenga ibinyobwa bisembuye...
19 August 2019 Yasuwe: 1481 0

Igisupusupu yarangiye umurongo wo muri Bibiliya Umupasiteri uherutse...

Nsengiyumva Francois wamamaye mu muziki ku kazina ka ’Igisupusupu’ yasabye...
19 August 2019 Yasuwe: 3381 1

Umuhanzikazi Marina yahishuye urukundo yakundanye na Yannick Gisagara...

Uwavuga ko Marina ari umwe mu bahanzikazi nyarwanda bari kwitwara neza mu...
19 August 2019 Yasuwe: 4629 1

Diamond Platnumz yasabye perezida Magufuli kububakira stade imeze nka...

Umuhanzi w’icyamamare muri Afurika,Diamond Platnumz,yasabye perezida...
19 August 2019 Yasuwe: 2255 0

Umutesi Aurore wabaye Miss Rwanda 2012 yabuze se umubyara

Mutesi Kayibanda Aurore wabaye Nyampinga w’u Rwanda 2012 ari mu gahinda...
19 August 2019 Yasuwe: 2282 2