Korede Bello yavuze uburyo abantu bakwiye kurekera gusaba Imana amafaranga

Imyidagaduro   Yanditswe na: Martin Munezero 28 March 2019 Yasuwe: 1484

Umuhanzi wo muri Nigeria umaze gukundwa n’abatari bake ku mugabane wa Afurika,Korede Bello, yasabye abantu ko bahagarika ibyo kwirirwa basaba Imana amafaranga kuko atari Bank y’igihugu.



Hari mu butumwa yacishije ku rubuga rwe rwa Instagram akurikirwaho n’abagera kuri 3 700 000, yavuze ko abantu badakwiye kwirirwa batakambira Imana ngo ibahe amafaranga ahubwo ko bakwiye guhaguruka bagakora bitewe n’impano zitandukanye bafite.

Uyu musore w’imyaka 23 y’amavuko yagize ati:” Ahari dukeneye guhagarika gusaba Imana amafaranga, Imana ntabwo itanga amafaranga ahubwo itanga ubushobozi bwo kuyakorera, Imana iguha impano, Imana iguha agaciro n’ibindi wabyaza amafaranga.”

Yakomeje agira ati :”Kandi ntekereza ko mugomba kureka no gusaba amafaranga abantu ahubwo mukwiye kubabaza ibyo mwabakorera bakayabaha. Baza abantu ibibazo wabafasha gukemura, ikintu wabafasha gukora ku buryo bikubyarira amafaranga biturutse ku gaciro baguha bakanagaha ibyo wabakoreye. Mukwiye kurekera gusaba Imana amafranga…Ese Imana ni Central Bank? ”

Nkuko urubuga rwa Wikipedia rubigaragaza, Korede Bello yavukiye muri Nigeria ahagana mu 1996, ni umwanditsi w’indirimbo akaba n’umuhanzi wo mu njya ya R&B, Afrobeats, hip hop na pop, yatangiye gukora umuziki mu 2009 akaba akorera mu nzu itunganya umuziki ya Mavin Records iri mu zikorerwamo n’abahanzi bakomeye muri Nigeria imaze kuba ikimenyabose muri muzika.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble mazina

    Inama ugiriye abantu niyo.Yesu atwigisha uko tuzajya dusenga Imana,ntabwo yavuze ko tuzajya tuyisaba ubukire,ahubwo yatubwiye gusaba Imana ngo izane Ubwami bwayo.Niyo mpamvu tuyibwira buri munsi ngo "Ubwami bwawe nibuze".UBWAMI bw’Imana,nkuko tubisoma muli Daniel 2:44,ni Ubutegetsi bw’Imana buzaza ku Munsi w’Imperuka,bugakuraho ubutegetsi bw’abantu.Nkuko Ibyahishuwe 11:15 havuga,Imana izaha ubutegetsi bw’isi yose YESU,ahindure isi Paradizo.Ikibabaje nuko Pastors babeshya abantu ngo barabasengera ngo babone Ubukire,Fiyanse,Visa yo kujya hanze,Akazi keza,etc...Nyamara baba bagamije ko babaha amafaranga.Tujye twisengera,dusabe Imana ko Ubwami bwayo buza,yuko Izina ryayo ryezwa,yuko ubushake bwayo bukorwa mu isi nkuko bukorwa mu ijuru,iduha ibyo kurya,etc...Nusaba Imana ubukire,imodoka,etc...ntabwo izakumva,kubera ko itubuza gukunda ibyisi nkuko 1 Yohana 2:15-17 havuga.

    March 2019
  • chat_bubble

    Imana yaravuze mukomange muzakingurirwa musabe muzahabwa nizo banques uvuga ni z Imana. SONGA MBELE

    March 2019

Inzindi nkuru

Jackie Chan yemereye akayabo umuntu uzavumbura urukingo rwa...

Umukinnyi wa Filimi w’icyamamare Jackie Chan w’imyaka 68 yatangaje ko...
18 February 2020 Yasuwe: 3870 0

Reba intimba yo ku mutima urupfu rwa Kizito Mihigo rwasigiye Bruce...

Bruce Melody ni umwe mu bahanzi bo mu Rwanda bashegeshwe n’urupfu rwa Kizito...
18 February 2020 Yasuwe: 11154 0

Reba amateka y’ubuzima bwa Kizito Mihigo kuva afite imyaka 9

Mu gitondo cyo kuri uyu wa Mbere tariki 17 Gashyantare 2020, nibwo I Rwanda...
18 February 2020 Yasuwe: 7251 0

Hamisa Mobetto yasubije abakomeje kujya impaka niba yaba yarasubiranye na...

Umunaymideli Hamisa Mobeto wahoze ari inshuti ikomeye y’umuhanzi Diamond...
18 February 2020 Yasuwe: 4146 0

Aba-Slay Queen bo muri Uganda bagaragaje agahinda gakomeye batewe na...

Rajab Abdul Kahali aka Harmonize uzwi mu muziki wo muri Afurika...
18 February 2020 Yasuwe: 5571 1

Miss Universe Tunzi ubwo yagarukaga ku ivuko abenshi bataye akazi abandi...

Miss Universe,Zozibini Tunzi ubwo yagarukaga ku ivuko yafashe umwanya wo...
17 February 2020 Yasuwe: 5043 0