startimes

Meddy ngo ntazishyura akayabo k’amamiliyoni ashinjwa kuba yarambuye Kompanyi yo mu Rwanda

Imyidagaduro   Yanditswe na: Martin Munezero 7 March 2019 Yasuwe: 2963

Ngabo Médard Jobert [Meddy] arashinjwa kutishyura umwenda remezo ungana n’amadorali ibihumbi 10 (asaga miliyoni icyenda z’Amafaranga y’u Rwanda) yahawe n’ikompanyi yitwa KAGI RWANDA Ltd ngo yitabire igitaramo cyari kubera mu Bubiligi ariko ntakijyemo.



Ku wa 04 Werurwe 2019 nibwo hasohotse inyandiko ihamagaza Meddy mu rukiko aho ashinjwa na kompanyi yitwa KAGI RWANDA Ltd umwenda remezo w’amadorali ibihumbi 10.

Meddy wari umaze iminsi mike avuye mu Rwanda kuhakorera igitaramo no kwerekana umukunzi we mu muryango, yasabwe kugaruka i Kigali akazitaba uru rukiko ku wa 14 Werurwe 2019, saa mbili n’igice z’igitondo.

Umwe mu bakurikirana inyungu za Meddy mu Rwanda witwa Bruce Intore yemereye KtPress ko ayo mafaranga koko bayakiriye, yongeraho ko Meddy yiteguye kurangiza icyo kibazo gisa n’igitesha agaciro izina rye.

Ati “Ni byo koko Meddy yishyuwe igice kimwe cy’amafaranga mbere y’igitaramo ariko abagiteguye batinda kurangiza ibijyanye n’impapuro z’ingendo. Rero byatumye Meddy atabasha kwitabira icyo gitaramo, none abamutumiye barashaka ko abasubiza amafaranga nyamara barahindanyije isura ye. Icyakora yiteguye kwitaba ubutabera akisobanura.”

Bruce Intore avuga ko iyi kampani kurega Meddy barihuse cyane ngo siko byari bikwiye kugenda , agendeye k’ubunararibonye afite muri mugutegura ibitaramo yagize ati Ati “Byabayeho mu bitaramo twateguranye n’abahanzi mpuzamahanga nka Wizkid, Tekno. Icyo gihe uwateguye igitaramo ashaka uburyo cyakwimurirwa ku wundi munsi, ariko ibyo gusubiza amafaranga ntibishoboka.”}

Bivugwa ko mu bihumbi 10 by’amadorali yagombaga kwishyurwa(Meddy), yahawemo ibihumbi bine na magana atanu (4500USD) ya ‘avance’ amufasha mu myiteguro n’andi madorali 880 yari agenewe abo bandi bari kumufasha kuririmba.

Bruce Intore akomeza avuga ko amafaranga bahawe ari avansi ndetse ko muri kontaro bagiranye ntahanditse ko amafaranga asubizwa. Ahamya ko Meddy nta deni afitiye kompanyi KAGI RWANDA Ltd ahubwo bo bananiwe kumubonera visa imwemerere kujya mu Bubiligi ngo abakorere akazi bari bumvikanye.

Icyo basaba iyi kompanyi ni ugutegura ikindi gitaramo kuko ibyo gusubiza amafaranga bitaramo, yanavuze ko Meddy azagera mu Rwanda mu cyumweru gitaha ariko ngo azaba aje muri gahunda ze z’umuziki. Ngo agomba guhita akomereza muri Tanzania kumenyekanisha indirimbo ze yakoreye muri Wasafi Records.

Urukiko rw’Ubucuruzi rwa Nyarugenge, ni rwo rwatumije uwo muhanzi mu nama ntegurarubanza, nk’uko bigaragara mu nyandiko imuhamagaza. Iyo nyandiko igaragaza ko agomba kwitaba urwo rukiko ku wa 14 Werurwe 2019, saa mbili n’igice za mugitondo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umuhanzi Kanye West mu nkundura yo guhangana na Donald Trump mu kuyobora...

Umuhanzi Kanye West yatangaje ko agiye guhangana na Dolnald Trump mu matora...
6 July 2020 Yasuwe: 329 1

Bruce Melody yakoreye umunyamakuru agashya wari umubajije ibya Diane...

Bruce Melody ni umwe mu bahanzi nyarwanda bakomeye cyane kandi bakunzwe...
5 July 2020 Yasuwe: 4304 0

Umuhanzikazi Esther Akoth yahishuye ukuri gusharira abagore benshi...

Umuhanzikazi Esther Akoth uzwi cyane ku izina rya Akothee akiyita kandi...
5 July 2020 Yasuwe: 2038 0

Ikimero cy’umunyarwandakazi Supersexy cyatumye yigarurira imitima y’igitsina...

Supersexy Nana, ni umwe mu banyarwandakazi bakoresha imbuga nkoranyambaga...
5 July 2020 Yasuwe: 5194 2

Diamond yahishuye umwe mu babyeyi be ukomoko muri Uganda

Diamond Platnumz benshi bari bazi ko ari Umutanzaniya nyawe, yabiteye...
5 July 2020 Yasuwe: 1710 0

Umuhanzikazi nyarwanda Sunny akomeje guca agahigo ko kwerekana ubwambure...

Ingabire Sunny Dorcas, umuhanzikazi nyarwanda akaba n’umunyamideli ukoresha...
4 July 2020 Yasuwe: 6260 3