Miss Naomie Nishimwe wegukanye ikamba rya Miss Rwanda 2020 yerekanye umusore bivugwa ko bari mu rukundo.

Sponsored Ad

Nkuko amafoto atandukanye yagiye acicikana hirya no hino ku mbuga nkoranyambaga abigaragaza, Miss Naomie yagaragaye ari mu modoka n’umusore bivugwa ko bari mu rukundo,ndetse kuri uyu musore akaba yari yamushyizeho aka-emoji k’umutima gasobanura urukundo.

REBA HASI AMAFOTO Y’UMUSORE UVUGWA MU RUKUNDO NA NAOMIE:

Nishimwe Naomie yabaye Miss Rwanda wa karindwi wambitswe ikamba mu marushanwa yateguwe na Rwanda Inspiration Back Up ku itariki 23 Werurwe 2020, akaba na Miss wa 10 kuva iri rushanwa ryabaho rya Miss Rwanda.

Nishimwe Naomie yatoranyijwe mu bakobwa 10 bajya mu cyiciro cya nyuma we na Umutesi Denise (No 43), Ingabire Gaudence (No 8), Umwiza Phionah (No 47), Mutegwantebe Chanice (No 27), Irasubiza Alliance (No 11), Teta Ndenga Nicole (No ,35) Musana Teta Hense (No 26), Umuratwa Anitha (No 42) na Akaliza Hope (No 1).

Igisonga cya mbere yabaye Umwiza Phionah [No47] mu gihe igisonga cya Kabiri yabaye Umutesi Denise [No43].

Nishimwe biteganyije ko agomba kumara umwaka uhereye igihe yatorewe tariki 23 Werurwe ahembwa ibihumbi 800 by’amanyarwanda buri kwezi,Akamara umwaka wose akoresha imisatsi n’inzara, anambikwa imyenda y’ibirori ku buntu n’amakanzu igihe ayakeneye.

Agahabwa serivisi za banki umwaka wose ahabwe ubwishingizi bwo kwivuza umwaka wose, gusohokera muri resitora umwaka wose kimwe no kuryama mu cyumba cya hoteli La Palisse.

Ndetse biteganyijwe ko agomba kurihirwa ikiruhuko mu Mujyi wa Dubai n’itike y’indege akanishyurirwa ibijyanye n’urwo rugendo byose n’ibindi byinshi bitandukanye birimo no guhabwa imyenda ya Siporo igihe ayikeneye mu gihe cy’umwaka wose.