Miss Sandra Teta umaze igihe atagaragara afungiye muri gereza ya Nyarugenge

20 March 2017. | Imyidagaduro | 7 Ibitekerezo | Nsanzimana Ernest
  • Miss Sandra Teta umaze igihe atagaragara afungiye muri gereza ya Nyarugenge

Miss Sandra Teta amaze igihe afunzwe ndetse ubu yagejejwe muri Gereza yahoze yitwa 1930 [Gereza ya Nyarugenge] aho akurikiranyweho icyaha cyo gutanga sheki itazigamiye.

Mu mpera z’icyumweru gishize nibwo amakuru yatangiye gucicikana ko Miss Sandra Teta afunzwe nyuma y’igihe kinini yari amaze atagaragara. IGIHE yahawe amakuru ko uyu mukobwa afunganwe n’izindi mfungwa n’abagororwa b’abagore muri Gereza ya Nyarugenge mbere y’uko bimurirwa ahandi.

Sandra Teta yaherukaga kuvugwa cyane mu itangazamakuru mu Ukwakira 2016 kubera ibibazo yari afitanye n’ Ikompanyi icuruza inzoga zikomeye yitwa STS Trade yamureze muri Polisi y’u Rwanda imushinja kurigisa inzoga zifite agaciro ka miliyoni zisaga eshanu yahawe ubwo yateguraga ibirori bya ‘Teta All Red Party’.

Ni ku nshuro ya gatatu Sandra Teta afunzwe akekwaho icyaha cyo gutanga sheki zitazigamiye, bwa mbere yatawe muri yombi tariki ya 22 Nyakanga 2015, icyo gihe yishyuzwaga n’umucuruzi witwa Nkusi Godfrey wamuhaye amafaranga 4,800,000 ubwo yateguraga ibirori by’imideli bya Rwanda International Fashion World (RIFAW).

Yaherukaga gufungwa mu Ugushyingo 2015, nabwo yakekwagaho gutanga sheki eshanu zitazigamiye. Icyo gihe Ubushinjacyaha bw’u Rwanda bwatangaje ko izo sheki zari zihwanye n’amafaranga miliyoni 28.

Hari hashize ibyumweru bigera kuri bitatu Miss Teta atagaragara

Ibitekerezo
  • MyPassion

    Iyamuremye Jado
    3 April 2017 - Musubize

    Erega Job Zabaye Ingume Ndumva Yarihangiye Imirimo Ariko Ubw Bitamuhir Nashake Indi Mirimo

  • MyPassion

    Lee
    23 March 2017 - Musubize

    Uyu mwari na we yaragowe wagirango afite inyatsi.Nimbe na we aba ari gushakisha n’ubwo bitamuhira.Abandi bakobwa se ko baba bashaka ay’ubusa cg bakicuruza!Njye namuha courage hari igihe bizamuhira igihe cye nikigera kuko ari open kandi afite esprit yo gukora.Ubutaha azashakishirize mu yindi domaine biriya ntibyamuhiriye.

  • MyPassion

    org
    21 March 2017 - Musubize

    Ntandangagaciro agira nka Miss rwanda puuuuu afungwe dore ningesoye yamwokamye sana

  • MyPassion

    JEREMIE
    21 March 2017 - Musubize

    YEWE BIRAKAZE RWOSE NAKURIKIRANWE PE.

  • MyPassion

    jimi
    21 March 2017 - Musubize

    nafungwe ubwo ni ubujura

  • MyPassion

    Boniface
    20 March 2017 - Musubize

    nafungwe arimo arasebya abandi ba miss

  • MyPassion

    Boniface
    20 March 2017 - Musubize

    nafungwe arimo arasebya abandi ba miss

Tanga Igitekerezo