Mu gihe cy’umwaka Clarisse Karasira amaze mu muziki yahishuye byinshi birimo ibibi yahuriyemo nabyo

Imyidagaduro   Yanditswe na: Martin Munezero 31 October 2019 Yasuwe: 3081

Mu mwaka wa 2018 taliki ya 30 ukwakira , Clarisse Karasira wari umenyerewe mu mu mwuga w’itangazamakuru , yinjiye mu muziki ahereye ku ndirimbo ye “Giraneza”, nk’umuhanzi mushya mu ruhando rwa muzika nyarwanda mu gihe kingana n’umwaka uyu muhanzikazi abimazemo yatangaje bimwe mu byiza n’ibi yahuye nabyo murugendo rwe.



ku wa 30 Ukwakira nibwo Clarisse Karasira yashyize hanze indirimbo ya mbere yise “Giraneza” ikundwa n’abantu benshi cyane bayishimiye ubutumwa bwo kubibutsa guharanira kugira neza n’injyana ya Kinyarwanda yari imenyerewe mu bakuze n’amatorero. Nyuma yakurikijeho indirimbo zinyuranye nka

Karasira yakunzwe cyane kubera injyana gakondo yinjiriyemo mu muziki mu gihe ari imwe mu zikundwa n’abatari bake ariko na none ikaririmbwa na bake mu bahanzi nyarwanda.

Uyu muhanzikazi abinyujije kuri Instagram, yagaraje ishimwe afite ku mutima mu gihe kingana n’umwaka amaze mu muziki akaba amaze kuba umwe mu bahanzikazi bakunzwe cyane mu gihugu.

Ati “ Ndashima Imana yankoreye imirimo itangaje mu mwaka umwe maze ntangiye umuzika by’umwuga. Ndabashimiye cyane bantu beza b’ingeri zinyuranye mwamenye by’umwihariko mugakunda iyi nganzo mukayishyigikira.”

“Ku itariki nk’iyi umwaka ushize nibwo navuze nti ubu ntangiye umuzika, nibwo nasohoye Indirimbo yanjye ya mbere Giraneza nyuma nzana “Rwanda Shima” nyuma Ntizagushuke, Komera, Izindi zigenda ziza.”
Ku bikomeye uyu muhanzikazi yahuye nabyo yavuze ko kuba icyamamare byamugoye cyane.

”Ukumenyekana hari uburyo bitabaye byiza ku mibereho yanjye. Narimenyereye kubaho bisanzwe bitansaba byinshi, mu by’ukuri kwamamara nubwo ari byiza ariko biri mu byangoye.”
Ikindi cyagoye Karasira ni inkuru yagiye avugwaho zitandukanye cyane cyane ibihuha

” Abantu bakabaye bagushyigikira akenshi usanga aribo baguca intege, icyakora ibyo byaranyigishije.”
Uyu mukobwa avuga ko yakozwe ku mutima n’ibibera kumbuga nkoranyambaga avuga ko abakoresha imbuga nkoranyambaga baba bashaka ko uwo bafana abaho uko babishaka kandi rimwe binagoye.

Yongeyeho ko umuziki wamuhaye amafaranga nubwo atavuga umubare wayo ariko ahamya ko mu mwaka umwe gusa awumazemo wamuhaye ubuzima atigeze atekereza kuzabaho.

” Umuziki wampaye ubuzima, wampaye amafaranga reka mbivuge gutyo, umpa imibereho mu buryo butangaje ntatekerezaga kandi mu gihe gito, mbishimira Imana.”
Karasira akomeza avuga ko yishimira uburyo abantu bakira indirimbo ze ndetse akabona ubutumwa bw’abantu bafashwa nazo.

Karasira yavukiye i Masaka mu mujyi wa Kigali, yiga amashuri mu bigo binyuranye arangiza ayisumbuye mu ndimi, kaminuza yize itangazamakuru muri Mount Kenya University.

Nyuma y’umwaka umwe yaje kurisubika atangira kwiga ibijyanye na Politike mpuzamahanga muri ULK ubu ari mu mwaka wa kabiri.

Clarisse Karasira yizihije isabukuru y’umwaka umwe amaze mu muziki, nyuma y’igihe gito asheshe amasezerano bari bariyemeje gukorana mu gihe cy’imyaka itatu. Uyu mukobwa niwe wisabiye ko atandukana na label ya Boss Papa ku bw’impavu yavuze ko ari ze bwite, zirimo no gukurikirana abana bato yigisha ibijyanye n’umuziki gakondo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Miss Rwanda 2020 yatangaje icyatumye atsindwa cyane ibizamini bya Leta n’uko...

Nyampinga w’u Rwanda 2020,Nishimwe Naomie, wabaye iciro ry’imigani ku mbuga...
25 February 2020 Yasuwe: 10985 5

Ibihangange muri cinema Nyarwanda byishimiwe bikomeye muri St Aloys...

Kuri iki cyumweru taliki 23 Gashyantare 2020 mugikorwa cyiswe Rwanda movie...
25 February 2020 Yasuwe: 1799 0

Young Grace yabatirishije umwana we akoresha ibirori[AMAFOTO]

Umuraperikazi Abayizera Grace uzwi nka Young Grace, yabatirishije umwana we...
25 February 2020 Yasuwe: 3909 0

Papa wa Diamond yatunguranye avuga uburyo Tanasha atari umugore uberanye...

Naseeb Abdul [Diamond Platnumz]umwe mubahanzi bakunzwe cyane mugihugu cya...
25 February 2020 Yasuwe: 3492 0

Amanota Miss Rwanda Naomie yagize mu kizamini cya Leta gisoza amashuri...

Nishimwe Naomie wambitswe ikamba rya Miss Rwanda 2020 yatangaje benshi...
25 February 2020 Yasuwe: 6069 1

Umunyarwandakazi yageze Final mu irushanwa rihuza abanyempano bo muri...

Umuhanzikazi w’Umunyarwanda Alyn Sano ni umwe mu bari mu marushanwa...
24 February 2020 Yasuwe: 2557 0