Irene uwoya wamamaye nka Oprah muri cinema ya Tanzania, akaba yarahoze ari umugore wa nyakwigendera Ndikumana Hamadi Katauti yakoze ubukwe mu ibanga n’umugabo wa gatatu .nyuma yo gutandukana n’umuraperi Dogo Janja.

Sponsored Ad

Kugeza ubu uyu mugabo warongoye Oprah ntabwo imyirondoroye iramenyekana dore ko Oprah akunze kumuhisha cyane ku mbuga nkoranyambaga akoresha.

Mu 2009 nibwo Irene Uwoya yakoze ubukwe n’uwari umukinnyi mpuzamahanga wakiniraga ikipe y’u Rwanda, Ndikumana Hamad Katauti, bwanditse amateka akomeye muri Tanzania dore ko ari bwo bwari buhenze kurusha ubw’ibyamamare byose bwabayeho muri Tanzania, nyuma baje gutandukana mu 2017 bamaze kubyarana umwa umwe w’umuhungu witwa Ndikumana Krish.

Tariki 28 Ukwakira 2017 ni bwo Irene Uwoya yakoze ubukwe mu ibanga n’umuhanzi wo muri Tanzaniya uzwi nka Dogo Janja ariko nabo urugo rwabo rusenyuka rutamaze kabiri nyuma y’umwaka umwe, bshinja gucana inyuma.

Uyu mwaka 2019 nabwo Oprah yongeye gukora ubukwe n’umugabo ufite inkomoko mu barabu ariko kugeza ubu hakaba hataramenyekana imyirondoro ye.

Amafoto y’ubukwe bw’uyu mugore w’icyamamare yakwirakwijwe ku mbuga nkoranyambaga, abantu batandukanye barimo abo bahuje umwuga wo gukina filime bamwifuriza kuzagira urugo rwiza.