startimes
startimes

Riderman yavuze uburyo Asinah bahoze bakundana agerageza kumusenyera urugo[AMAFOTO]

Imyidagaduro   Yanditswe na: Martin Munezero 11 September 2019 Yasuwe: 5565

Umuhanzi Gatsinzi Emery wamamaye nka Riderman mu muziki, yavuze ko ibiganiro Asinah bahoze bakundana atambutsa mu bitangazamakuru no ku mbugankoranyambaga, biba bikubiyemo ubutumwa bugamije kumusenyera urugo.


Sponsored Ad


Mu biganiro bitandukanye binyuzwa ku mbugankoranyambaga nka You Tube, Asinah akunze kugarukwaho mu biganiro binyuranye atanga cyangwa se mu binyamakuru bimwe na bimwe, ibintu bidashimisha Riderman habe na gato.

Mu kiganiro Amahumbezi cyatambutse kuri Radio Rwanda, Riderman yatangaje ko akenshi iyo abonye ibintu yanditsweho ahita abisobanurira umugore we, mu gucubya ubukari bishobora kumutera.

Ati “Sinjya ndindira ko arakara cyangwa se abimenya, iyo mbibonye ndi mu rugo cyangwa se ntahari, ndataha nagera mu rugo nkamwegera nkamubwira nti ’nabonye banditse gutya na gutya, ndatekereza ko nawe byakugezeho ariko mu by’ukuri ukuri ni ukunguku.”

Yavuze ko hari umunyamakuru w’inshuti ye yigeze kuganiriza amubaza impamvu akunda kuzamura ibibazo bye na Asinah, ngo amubwira ko abantu bakunda byacitse ku buryo bituma ikiganiro cye kirebwa cyane.

Ati “Rimwe na rimwe rero aho kugira ngo ubigire intambara ujye guhangana n’umuntu, mpitamo kwicecekera nkabireka kuko nizera ko nta nkuru iza gutya ngo irenze icyumweru ikivugwa cyane gutyo,ahubwo iraza igahita.”

Riderman yabajijwe niba adasanga aba bamukoraho ibiganiro bagamije kumucuruza, we avuga ko asanga birenze ibyo.

Riderman yavuze ko abakomeza kuzamura izo nkuru bagamije ubuhemu, kuko hari ibindi bintu byinshi baganiraho kurusha kuzamura inkuru ze na Asinah.

Yakomeje abwira umunyamakuru ati “Uri inshuti yanjye! Hari umunsi nari nagusaba kumpa ikiganiro nta ndirimbo cyangwa igikorwa mfite? Kandi ntekereza ko nta muntu wagahawe uwo mwanya nta gikorwa agiye kuvugaho. Byanze bikunze nawe nk’umunyabwenge ushobora kuvuga uti ’kuki uyu muntu?’”

Abajijwe niba akeka ko Asinah ajya ajya kwisabira ibiganiro ngo bamuvugeho, Riderman yasubije ko atazi uko bigenda, ariko ngo ibitangazwa byose nta n’ukuri kuba kurimo.

Yavuze ko buri wese afite uburenganzira bwo kuvuga ibyo ashatse, ariko akomoza ku mvugo y’uko “Isi ntabwo igirwa nabi n’abakora ibibi gusa ahubwo igirwa nabi n’ababona ibibi biba bakicecekera,” ashimangira ko abantu badakwiye kubona ibinyoma bivugwa ngo babireke bigende gutyo.

Riderman n’umugore we Agasaro Nadia bakoze ubukwe mu 2015 ndetse bamaze kwibaruka umuhungu wabo w’imfura. Uyu muraperi yakoze ubukwe bitungura benshi bari bazi ko umukunzi we ari Asinah bari bamaze imyaka umunani bakundana. Ibi byabaye inkuru n’ubu zigikomeje gukururana, hagatindwa ku bihe bagiranye hanibazwa icyabatandukanyije.


Riderman n’umugore we babyaranye umwana w’umuhungu


Riderman yakundanye na Asinah imyaka itari mike

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Yyy

    ubundi gukundana ni kimwe no kubana ni ikindi. abantu bose bakundana siko babana kuko guhitamo kubana n’umuntu bigendera ku bintu byinshi naho ubushuti njye numva ari ibisanzwe. nta shyano rero ryaguye kuba batarabanye nta nubwo abantu bakagombye kubitindaho ngo imyaka ishire bakibivuga .

    September 2019

Inzindi nkuru

Diamond Platnumz yakoze benshi ku mutima kubera akayabo yahaye umufana...

Umuhanzi umaze kwigarura imitima ya benshi mu gihugu cya Tanzania ndetse no...
12 August 2020 Yasuwe: 2384 0

ShaddyBoo yavuze ku byavuzwe ko ngo yaraye mu buroko

Umunyamiderikazi Mabazi Shadia uzwi cyane nka Shaddy Boo, yateye utwatsi...
11 August 2020 Yasuwe: 4422 0

Harmonize yasebeje uwahoze ari umukunzi we ahishura n’uburyo yari yaremereye...

Mu mpera z’icyumweru gishize, umuyobozi mukuru wa Konde Music Worldwide,...
11 August 2020 Yasuwe: 2604 0

Umuhanzikazi wo muri Uganda Jackie Chandiru bwa mbere yahishuye uburyo...

Umuhanzikazi ukomoka mu gihugu cya Uganda, Jackie Chandiru uzwi ku izina...
11 August 2020 Yasuwe: 1345 0

ShaddyBoo yagaragaje agahinda gakomeye yatewe na Polisi y’u Rwanda yinjiye...

Kuri iki cyumweru Tariki 9 nzeri 2020 Mbabazi Shadia uzwi nka (Shaddy Boo)...
10 August 2020 Yasuwe: 10439 2

Bruce Melody yihakanye ibyo kumenyekanisha muzika ya The Ben

Bruce Melody yahakanye ibyo gusinyisha umuhanzi Mugisha Benjamin uzwi nka...
10 August 2020 Yasuwe: 725 0