Safi yatangaje ko avugana kenshi gashoboka n’umugore we Judith kuko ngo ikoranabuhanga ryarabyoroheje kandi ngo umugore we anyuzamo akinyabya akamusura ubundi akongera akurira indege.

Sponsored Ad

Urukundo rw Safi Madiba na Judith kuri ubu benshi ntibiyumvisha uko aba bombi baba babanyemo kuko umwe abarizwa mu Rwanda undi akaba abarizwa muri Canada.

Mu kiganiro Safi yagiranye n’Igihe dukesha iyi nkuru yahishuye byinshi benshi batari bazi ku mubano we n’umugore we Judith kuri ubu utuye hanze y’umupaka w’u Rwanda.

Mbere na mbere yabanje kubwira abantu batekereza ko kuba atabana n’umugore we haricyo bimuhungabanyaho [Safi] ,yababwiye ko bibeshya kuko babanye neza. Uyu mugabo ngo iyo yumvise afite irungu, ariganzisha kwirebera filime, kumva imiziki no gusura inshuti.

Ikoranabuhanga ryarabyoroheje kuko ngo bavugana kenshi gashoboka,yakumva urukumbuzi rwamuganje akamuhamagara bakamarana urukumbuzi.

Ati “Turavugana buri munsi buri kanya. Hari n’ubwo tuvugana inshuro eshanu kimwe n’uko hari ubwo tutavugana gusa bibaho ko tuvugana inshuro nyinshi cyane. Iyo urukumbuzi ruhari turavugana byaba ngombwa mfite akazi nkamubwira nti fata indege vuba vuba uze. Biroroshye ni amasaha 12 aba ageze aha.”

N’ubwo bajya babonana nta munsi n’umwe Safi arafata indege ngo ajye gusura umugore we muri Canada. Kuri ubu, uyu mugabo ari mu myiteguro yo kujya kumusura mbere y’uko uyu mwaka urangira.

Ati “ Ndateganya kujya kumusura muri uyu mwaka. Hari ibyo ndi kubanza gushyira ku murongo.”