Ku munsi w’abakundana wabaye tariki 14 Gashyantare 2019 Mbabazi Shadia , yari yatumiwe mu gitaramo cyabereye mu kabari kitwa Sebs Club Nakuru muri Kenya yahuriyemo n’umuhanzi witwa Otile Brown uri mu bagezweho muri iki gihugu aho yari yambaye ikanzu y’umutuku ifite pasura idasanzwe yabyinnye ikamutenguha ikagaragaza ikariso yari yambaye.

Sponsored Ad

ShaddyBoo yabyinanye indirimbo na Otile Brown maze bagezemo hagati uyu mubyeyi w’abana babiri b’abakobwa umwenda w’imbere uragaragara.Yari yambaye ikanzu ndende ariko isatuye imbere kuva hasi kugera hejuru hafi mu rukenyerero,ShaddyBoo abonye itangiye kumutamaza, yahise atangira kubyina akinzeho ukuboko ku buryo n’abari bitabiriye iki gitaramo babibonye bakiyamira ibintu byanatumye yibasirwa bikomeye n’abamukurikira kuri Instagram.

Mbabazi Shadia wamamaye nka Shaddy Boo yasize umugani muri Kenya nyuma y’amashusho yasakaje abyinana n’umuhanzi ukomeye waho witwa Otile Brown, akagera aho yerekana umwenda w’imbere,amashusho yatumye yibasirwa bamwibutsa ko ari umubyeyi w’abana ko ibyo yakoze yarengereye.

Umwe mu batanze ibitekerezo kuri aya mashushi yashyize ku rukuta rwe rwa Instagram yagize ati "ShaddyBoo ni byiza kwidagadura..ariko ibuka ko uri umubyeyi w’abana..wakabije pe". Undi nawe yagize ati"Umenya utibuka neza ko uri umubyeyi w’abana babiri",Uyu we ati "Ahaaa ni hatari ntabwo ibyo werekana ariko abantu bose baba bakeneye kubireba jya umenya uwo wabyereka nuwo utabyereka".

Hari n’undi watanze igitekerezo agaragaza uburyo Meddy Saleh Imana yamutabaye kugira ngo ShaddyBoo atazamubuza ijuru,Yagize ati "Ariko ubwo wasanga meddy saleh arira ngo umugore yamutanye abana, arko Imana mbona yaramutabaye ngo utazamubuza ijuru agapfa yiyahuye kuko kukugira ni nko kuba imageragere".