Tanasha Donna ntabwo yishimiye uburyo Diamond afata Zuchu, umunyamuryango mushya wa Wasafi. Mu cyumweru kimwe gusa, uyu muhanzikazi amaze kugira abafatabuguzi ’Subscribers’ barenga ibihumbi 100 kuri YouTube, imwe mu mashusho ye imaze kurebwa na Miliyoni zisaga 2 mu cyumweru bituma Diamond avuga amagambo atakiriwe neza na Tanasha, bituma amwita umugabo w’imburamukoro.

Sponsored Ad

Zuchu ni umuhanzikazi uheruka gusinyishwa muri Wasafi Records kandi bigaragara ko ari ikintu cyiza cyabaye kuri iyi label y’umuhanzi Diamond.

Zuchu ari inyuma y’indirimbo nka Hakuna Kulala, Nisamehe, Raha, Ashua ft Mbosso nubwo Wana (yarebwe n’abantu Miliyoni 2.3 kuri Youtube mu cyumweru kimwe) na Kwaru (yarebwe n’abantu Miliyoni 1.3 kuri Youtube mu minsi 6) nayo yakiriwe neza. Ari inyuma kandi ya Mauzauza yakoranye na nyina, Khadija Kopa.

Uyu muhanzikazi niwe wa mbere wasinyishijwe nyuma yo gusohoka kwa Harmonize na Rich Mavoko,akaba yaramuritse alubumu ye nto ari nayo yatangije umwuga we. Byabereye kuri TV ya Wasafi na YouTube ya YouTube ya Diamond.

Zuchu abaye umuhanzi wa kabiri w’umugore wasinyishijwe muri Wasafi Records nyuma ya mushiki wa Diamond Platnumz, Queen Darlene.

Zuchu ni umwanditsi w’indirimbo ikintu cyamwegereje cyane kuri iyi label kuko ni nacyo kintu bagendeye bamusinyisha.

Diamond Platnumz yasabye abantu be bo kuri Instagram bagera kuri Miliyoni 9.2 inkunga yo gushyigikira Zuchu kandi ntibamutengushye.

Inyandiko ye ya mbere kuri Instagram ni 9 Mata kandi bitarenze ibyumweru 2, Zuchu ubu afite abayoboke ’Subscribers’ barenga 239.000 kuri Instagram na Hamisa Mobetto akaba ari umwe muribo, konte ye ya YouTube ifite abafatabuguzi 100.000 akaba arusha Tanasha abayoboke 26.000.

Hamwe nuru rukundo rwose ruva mubakunzi ba Diamond Platnumz kuri Zuchu,Papa w’abana ba Zari na Tanasha bamuhatiye kwandika aya magambo akurikira yababaje cyane Tanasha.

Aya magambo aragira ati "Ndabashimira kuba mwarafashije Zuchu gushyiraho amateka yo kuba umuhanzi mushya wa mbere w’umunyafurika wageze ku bafatabuguzi ba YouTube 100K mu minsi 7. Ibi birenze urukundo kandi byerekana ko abagore bashoboye".

Aya magambo yazamuye amarangamutima ya Tanasha Donna nawe yandika agira ati :

"Binteye ubwoba kubona abapfubuzi babwiriza ubushobozi bw’umugore. Ibintu byantakigenda amaherezo iteka biragaragara. Nk’imifuka ya ntakigenda, imitako ya ntakigenda, izamara iminsi ibiri, wenda ibyumweru cyangwa ukwezi, ariko amaherezo abantu bose bashobora kubona ko ari ntakigenda."

Ibintu byarushijeho kuba bibi bitewe n’indirimbo yabo y’ubufatanye ’Gere’ itari kuri konte ya YouTube ya Tanasha.Twabibutsa kandi ko Zuchu amaze imyaka 4 mu ruhando rwa muzika Diamond akaba yumva ko ubu noneho aribwo yiteguye.