skol
fortebet

Amashusho y’umuhanzi nyarwanda yifashe ari guhohotera umwana we akomeje gukwirakwira ku mbuga nkoranyambaga

Yanditswe: Monday 28, Sep 2020

featured-image

Sponsored Ad

skol

Amashusho akomeje gukwirakwira ku mbuga nkoranyambaga agaragaza umuhanzi nyarwanda Nsabimana Léonard wamamaye nka ’Ndandambara yandera ubwoba’ yifata videwo ari guhohotera umwana muto bikekwa ko ari uwe.

Sponsored Ad

Mu mashusho uyu muririmbyi yumvikana abwira uyu mwana wari witumye mu buriri ati: “Saba imbabazi ko utazongera kunnya ku buriri. Vuga ngo ntabwo nzongera kunnya ku buriri.”

Uyu mwana muto wari upfukamye anikoreye umwanda yemeye ko atazongera kwituma ku buriri.

Mu ijwi ry’umwana humvikanamo ikiniga, ibyumvikanisha ko umuhanzi Ndandambara yabanje no kumukubita mbere yo kwifata amashusho amwihanangiriza.

Uwitwa Tr. Patrick ku rubuga rwa Twitter, yasabye Polisi y’igihugu gukora akazi kayo kuri ririya hohoterwa, Polisi y’igihugu itangaza ko igiye kumukurikirana.

Polisi yagize iti: “Mwiriwe Patrick, murakoze ku makuru muduhaye tugiye kubikurikirana.”

Nsabimana Leonard A.K.A Ndandambara, aririmba mu rurimishami rw’Ikigoyi ruvugwa iwabo mu karere ka Rubavu.

Uyu muririmbyi yamamaye mu indirimbo yise ‘Ndandambara yandera ubwoba’ yakoreshejwe mu kwamamaza Perezida wa Repubulika, Paul Kagame mu matora y’umukuru w’igihugu yo muri 2017, gusa aheruka gusohora n’indi ndirimbo nshya yise “Covid-19 Ndandambara”.

Ibitekerezo

  • Ariko uretse ko yishyize ku karubanda, umwana yitumye mu buriri wamureka koko? Njyewe uburere nk’ubwo sinabutanga da!

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa