Umuhanzikazi Sheebah Karungi yandagarijwe n’abafana mu gitaramo yakoreye Nyege Nyege bamwe bavuga ko imyambarire ye ari iyo kubatera umwaku

Imyidagaduro   Yanditswe na: Martin Munezero 10 September 2019 Yasuwe: 3269

Umuhanzi Sheebah Karungi wamamaye cyane mu muziki wo muri Uganda, yananiwe gushimisha abitabiriye igitaramo cyabereye Nyege Nyege, batangira kumuha inkwenene bamwita umuririmbyi utazi icyo gukora ku rubyiniro.



Uyu muhanzikazi yari amaze igihe ategerejwe n’abatari bake, nk’umuhanzi wagombaga kubataramira mu gitaramo cy’iserukiramuco ryabereye ahitwa Nyege Nyege mu gace ka Jinja, umubare w’abakunzi b’umuziki batari bake bacyitabira ku bwinshi.

Ubwo Sheebah yari ari ku rubyiniro, yakoresheje uburyo bwose agerageza gushimisha abakunzi be bamuhanze amaso,birangira ntacyo bitanze.

Bamwe batangiye ku munenga ku ikubitiro ubwo yageraga ku rubyiniro bagatangira kwiyamira bavuga ko imyambarire ye ariyo kubatera umwaku ahubwo ko atariyo gutuma bishimana nawe mu njyana nziza y’umuziki.

Nk’uko bimaze igihe bicicikana mu bitangazamakuru no ku mbuga nkoranyambaga, Sheebah amaze iminsi aterana amagambo na mugenzi we Cindy Sanyu nawe ukorera umuziki muri Uganda.

Cindy yavugaga ko Sheebah Karungi atazi kuririmba ko agomba kumwegera akamwereka uko baririmba. Icyo gihe Sheebah nawe yatangaje ko Cindy nawe agomba kumwegera akamwereka uko abandi biteza imbere bakagira ibikorwa remezo bifatika kuburyo nawe ashobora kwiyubakira inzu nziza.

Ibi kanadi abitabiriye igitaramo cyabereye ahitwa Nyege Nyege,babigarutseho bavuga ko Sheebah akwiye kwifashisha zimwe mu ndirimbo za Cindy Sanyu kugira ngo imiririmbire ye ku rubyiniro ibashe kuba myiza.

Kugeza ubu Sheebah we, ntacyo aratangaza kubyamuvuzweho ubwo yashinjwaga n’abafana ko atazi kwigaragaza neza ku rubyiniro.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble EricEr

    Uyu mutoto turamwemera umuziki arawumva uretse ako kabazo konyine yibeshyeho

    5 months ago

Inzindi nkuru

Umwana w’umukobwa wakinanye na Lupita Nyongo muri Filimi yamamaye cyane ku...

Umukobwa wo muri Uganda wakinnye muri filime ‘Queen of Katwe’ cyangwa...
16 February 2020 Yasuwe: 4697 0

Jose Chameleone yagurishije inzu nziza yari yaraguriye umugore we ku kayabo...

Umuhanzi Jose Chameleone ufite izizna rikomeye muri Uganda no muri Afurika...
16 February 2020 Yasuwe: 3877 1

Umwana Zari yabyaranye na Diamond ari mu bitaro

Kuwa 4 tariki ya 13 Gashyantare 2020, Zari Hassan wahoze ari umugore...
15 February 2020 Yasuwe: 4728 0

Umuraperi P-Fla yasabye imbabazi abantu amaze iminsi atuka

Umuraperi P Fla yasabye imbabazi abantu basanzwe bazwi mu myidagaduro hano...
15 February 2020 Yasuwe: 1523 0

NYIRANKOTSA SERIES: Papa Bahena yatashye! Nyirankotsa mu mazi abira!Aka...

Nyirankotsa Series ni Film y’Uruhererekane itambutswa kuri YouTube channel...
12 February 2020 Yasuwe: 623 0

Umuvugabutumwa yahanuriye urubyaro Wema Sepetu

Umuyobozi w’itorero rya Pantecoste, Nabii Bendera riherereye Kimara mu mujyi...
9 February 2020 Yasuwe: 2455 2