Umuhanzikazi Sunny ukubutse mu gihugu cya Thailand azanye imyambarire n’imyifotoreze idasanzwe [AMAFOTO]

Imyidagaduro   Yanditswe na: Muhire Jason 23 November 2018 Yasuwe: 3661

Umuhanzikazi Sunny utuye mu gihugu cya Thailand agarukanye imyambarire idasanzwe ndetse n’imyifotoreze aho kuri ubu ngo yiyemeje kwigarurira imitima ya benshi kubera indirimbo yakoranye n’umuhanzi Bandanah ukomoka muri Kenya.

Umuhanzikazi Ingabire Sunlight Dorcasie uzwi nka Sunny mu muziki ni umunyarwandakazi ukora akazi ko kumurika imideli akabifatanya no kuririmba aho kuri ubu atuye mu gihugu cya Thailand aho magingo aya ahamya ko benshi mu bakunzi be b’umuziki bamubazaga aho yarengeye gusa ko yagarukanye indirimbo nshya yise ’Katika’ yakoranye n’umuhanzi Bandanah uri mu bakomeye mu gihugu cya Kenya.

Sunny wamenyekanye mu ndiirmbo zitandukanye zirimo ‘Unanitaka’ ,’Akabizu’ ,’Naumwa’ n’ izindi. Kuri ubu arahamya ko agarukanye imbaraga zidasanzwe ndetse n’udushya twinshi nyuma y’igihe kitari gito ahugiye mu bikorwa bijyanye no kwerekana imideli.

Mu kiganiro yagiranye n’UMURYANGO twamubajije amavu n’amavuko y’umuziki we maze atubwira ko yatangiye kuririmba akiri umwana muto yiga mu mashuri abanza aho yahereye ku ndirimbo yitwa ‘Sugar Daddy’ ariko nyuma yaho aza kwerekeza muri Singapore kubera gahunda ze z’ akazi.

Sunny adakora akazi ko kuririmba gusa kuri ubu ni umwe mu banyarwandakazi bamaze kwandika izina mu bihugu bitandukanye aho yanitabiriye ibitaramo bitandukanye byo kwerekana imideli birimo Fashion F muri China, Mango Fashion ibera muri Thailand na Zara Fashion show muri Australia.

Uyu mukobwa utuye muri Thailand ngo nubwo aba mahanga bitewe na gahunda z’ akazi ngo azakomeza akore umuziki kuko awukunda. Aho yanaboneyeho no gusangiza abakunzi b’umuziki we indirimbo nshya yise ‘Katika’ yakoranye n’umuhanzi ukomeye mu gihugu cya Kenya witwa Bandanah aho ngo iyi ndirimbo yayikoze mu buryo bwo gushishikariza abantu kubyina kuko ubuzima ari buto.

Tumubajije niba uyu muhanzi Bandanah ataramugoye nkuko abandi bakunze kubikora yadusubije ko atariko byagenze kuko yasise amwemerera atajuyaje.

Ati “ Bandanah ni umuhanzi w’ umuhanga twahuriye Nairobi kuko nkunze kuhajya cyane bitewe n’ uko mpagira Inzu y’ imideli, namusabye Collabo arayinyemerera hatajemo kugorana.”

Sunny yasoze avuga ko intego afite mu muziki ari ugukorana cyane n’ Abahanzi b’ abanyamahanga mu rwego rwo gukora ibintu biri ku rwego mpuzamahanga.

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Sheebah Karungi yatangaje impamvu amaze igihe kinini nta mukunzi...

Umuhanzi Sheebah Karungi uhagaze neza mu gihugu cya Uganda mu ndirimbo...
16 October 2019 Yasuwe: 1614 1

Harmonize yasabwe na Perezida Magufuri kwiyamamariza kuyobora muri...

John Joseph Magufuli uyobora Tanzania guhera mu 2015 ndetse akaba akunzwe...
16 October 2019 Yasuwe: 2448 0

Eddy Kenzo nyuma y’ibyo ari gucamo kuva yatwarwa umugore byamuteye agahinda...

Umuhanzi wo muri Uganda Edrisah Musuuza wamamaye mu muziki nka Eddy Kenzo,...
16 October 2019 Yasuwe: 2102 0

Mushiki wa Diamond yise Harmonize umugambanyi

Mu cyumweru gishize hamenyekanye inkuru ko umuhanzi Harmonize warezwe na...
16 October 2019 Yasuwe: 1815 0

Mico The Best yatangaje ubutumwa yifuza gutanga mu ndirimbo "Save the Date"...

Umuhanzi Mico the Best ukomeje gushinga imizi mu njyana ya Afrobeat mu...
16 October 2019 Yasuwe: 250 0

Zari Hassan ari mu kababaro gakomeye yatewe na Kenyan Airways

Icyamamare ku mbuga nkoranyambaga Zari Hassan ari mu marira kubera ko...
15 October 2019 Yasuwe: 5157 1