Young Grace agiye gutangiza televiziyo izamwitirirwa

20 March 2017. | Imyidagaduro | 5 Ibitekerezo | Nsanzimana Ernest
  • Young Grace agiye gutangiza televiziyo izamwitirirwa

Umuhanzikazi Abizera Grace wamenyekanye nk’ izina rya Young Grace binyuze mu ndirimbo ze zakunzwe n’ abatari bake mu Rwanda agiye gutangiza televiziyo yitwa ‘Young Grace TV’.

Mu kiganiro yagiranye n’ Ikinyamakuru Umuryango Young Grace yahamije ko iyo gahunda ihari ndetse iyo televiziyo izatangira bitarenze uyu mwaka wa 2017.

Yagize ati “ Umushinga wo gutangiza televiziyo urahari. Sinababwira ngo izatangira ryari ariko ni muri uyu mwaka. "

Televiziyo ya Young Grace ije mu gihe mu minsi ishize bimwe mu bitangazamakuru byagiye bifunga imiryango bikavugwa ko byaba byarahombye. Mu bitangazamakuru byafunze harimo televiziyo yitwaga Go TV ndetse na radio ya Nation Media Group yakoreraga ku butaka bw’ u Rwanda (‘KFM’).

Ku rundi ruhande ariko ibitangazamakuru bikomeza kuvuka umunsi ku munsi aho usanga amenshi mu maradiyo akorera mu Rwanda yaragiye atangiza amateleviziyo.

Ikinyamakuru Umuryango cyifuje kumenya ibyo televiziyo ya Young Grace izibandaho mu gutangaza (Editorial line yayo) young Grace avuga ko ari amabanga yongeraho ko ashaka gukorera abanyarwanda surprise (Kubatungura).

Televiziyo ya Young Grace izaba ariyo televiziyo mbere ku mu Rwanda itangiwe n’ umuhanzikazi.

Uretse uwo mushinga wa televiziyo, Young Grace avuga ko bitarenze ukwezi kwa 12 uyu mwaka azaba yamaze gushyira ahagaragara album ye ya kabiri.

Reba imwe mu ndirimbo Young Grace aheruka gushyira ahagaragara

Emmanuel Tuyishime @Umuryango.rw

Ibitekerezo
  • MyPassion

    byindi
    22 March 2017 - Musubize

    nta bwenge nta na cash naceceke

  • MyPassion

    Murangwa Egide
    21 March 2017 - Musubize

    Hano bavuze umuhanzikazi kdi KNC ni umuhanzi (umuhanzi atandukanye nu umuhanzikazi).

  • MyPassion

    Hello
    21 March 2017 - Musubize

    Ruto,KNC ntabwo ari umuhanzi.

  • MyPassion

    Ruto
    20 March 2017 - Musubize

    Oya siwe waba ubaye uwa mbere mu Rwanda na KNC afite TV1.Gusa courage tumuri inyuma ntacike intege naho uwo uvuga ngo niya nyina sinzi icyo ashaka kuvuga ubundi yaba iya nyina cga papa we nawe yaba ariye.Kuma TV na RADIO zihomba biterwa nuko zose zikorera mu murongo umwe nta tandukaniro riba hagati y ibitangazamakuru byo mu Rwanda.

  • MyPassion

    steven
    20 March 2017 - Musubize

    Nabanze ashinge Studio ye keretse niba ari Tv ya nyina? Gasenyi nayo yigeze ku byigamba none byaheze mukirere nki nyenyeri. Diamond nawe ntayi agira

Tanga Igitekerezo