Kigali
dnd

“Aba basifuzi nibadahanwa nzumirwa”-Guy Bukasa wa Gasogi United

Imyidagaduro   Yanditswe na: Dusingizimana Remy 8 December 2019 Yasuwe: 5019

Umutoza wa Gasogi United,Guy Bukasa yatangaje ko abasifuzi bamusifuriye ahura na APR FC ikamutsinda ibitego 3-2 ngo nibadahanwa bizamutangaza kuko ngo n’ubwa mbere abonye umusifuzi yiba ku mugaragaro.



Umutoza Guy Bukasa yabwiye abanyamakuru nyuma yo gutsindwa na APR FC ibitego 3-2 ko kuva yatoza ari ubwa mbere abonye ikipe yibirwa igitego nk’ibyabaye kuri APR FC.

Yagize ati “Mu muco wange sinkunda kuvuga ku basifuzi. Ariko uyu munsi ndabivuze mu ijwi rirranguruye. Ibintu twabonye ni amahano. Ni amahano atarabaho sinari nabibona kuva natangira gutoza. Bityo mbabajwe n’ibintu bibiri, kuba twarekuye kuko igitego twari twakishyuye tunajya imbere, ariko nanone ibyo abasifuzi bakoze niba mwabibonye namwe birasaba ko bariya bagabo batatu bitabwaho.

Mwabibonye ku mashusho ko harimo kurarira. Aba basifuzi nibadahanwa nzumirwa. Igitego cya mbere ntabwo cyari cyo bari baraririye. iyi kipe ni yo izahagararira u Rwanda muri Champions League kandi iri kuri uru rwego ntabwo ntekereza ko u Rwanda rwakwishimira ibyo twabonye neza. Niba buri gihe tubafasha kujya muri iyi mikino batari ku rwego rwayo. Yego berekanye ko bakuze ko bagerageza gushaka intsinzi, twakoze amakosa ariko umusifuzi yabafashishe. Birakwiye ko tubishimangira”.

Guy Bukasa yavuze ko yababajwe n’ibintu bibiri muri uyu mukino w’umunsi wa 13 wa shampiyona birimo kuba abakinnyi be bavuye mu mukino mu minota ya nyuma bagatsindwa, ndetse n’uburyo abasifuzi bamwibye.

Gasogi United yageze ku munota wa 80 iyoboye umukino n’ibitego bibiri yari yatsindiwe na Isaac Muganza,yatsinzwe ibitego 2 byikurikiranyije bitsinzwe na Mugunga Yves na Ombolenga Fitina.

Igitego Guy Bukasa atemera n’icyo APR FC yatsinze ku munota wa 43 w’umukino gitsinzwe na Danny Usengimana aho avuga ko yari yaraririye bigaragara.

Foto: Funclub.rw

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Bosco T

    Muraho neza, njye kubwanjye narebye video yiriya match nabonye nta offeside yahabaye, kuko Dany uriya mupira yateye ukavamo igitego, hari umukinyi wawushize kugituza awumuhagarikira ariko hirya ye nko muri metero 3 hariho umukinyi wa Gasogi. Bagerageze bace ya mirongo kabisa njye nabonye nta kurarira kwabaye. Ahubwo uwo motoza bamukurikane kuvuga ngo azatangara badahanye abasifuzi. Nonese ko avuga atyo kuri Gicumbi byagenze ute? nkatwe abafana tubona ko Gicumbi yarikubona penarty 2. Rero tujye twihangana twakire results zivuye mu mukino.

    1 month ago
  • chat_bubble QUINTA

    ARIKO NTIMUKAJYE MUZANA IBYIFUZO NIMITEKEREREZE YANYU NGO MUBIGIRE ICYEMEZO CYA NYUMA , IMIREBERE YAWE WA MUTOZA WE SIYO YABASIFUZI

    1 month ago
  • chat_bubble

    Mujye mureka amarangamutima mukore akazi kinyamwuga, kuko niba nawe utatubwiye uko wabibonye nawe ubyumva kimwe nawe kandi abeshya, ikibazo uyu mutoza afite ntaramenya urwego ikipe atoza iriho.

    ukuri kwagaragaye kumashusho ni uko umukinnyi wakabaye yari yaraririye siwe watsinze numupira ntiyawukozeho,

    1 month ago

Inzindi nkuru

Haruna Niyonzima nyuma yo kuva muri AS Kigali yongeye guha ibyishimo...

Haruna Niyonzima wasubiye mu ikipe ya Yanga Africans SC yandikiyemo...
23 January 2020 Yasuwe: 3133 0

Ikipe yo mu Misiri yaciye agahigo ko gusinyisha umukinnyi wa mbere ushaje...

Ikipe y’umupira w’amaguru yo mu kiciro ya gatatu yitwa 6th October Fc yaguze...
23 January 2020 Yasuwe: 2164 0

Frank Lampard yatangaje umukinnyi wa Arsenal wagoye Chelsea agatuma itabona...

Umutoza wa Chelsea,Frank Lampard aracyari mu gahinda ko kunanirwa gutsinda...
23 January 2020 Yasuwe: 3023 0

Manchester United yakorewe igikorwa kigayitse n’abafana bayo kubera kwitwara...

Manchester United iri kwitwara nabi cyane yavugirijwe induru n’abafana bayo...
23 January 2020 Yasuwe: 3292 0

Kylian Mbappe yatangaje ikintu atakwigana kuri Lionel Messi

Rutahizamu Mbappe wa PSG ufatwa na benshi ko ariwe ushobora kuzasimbura...
23 January 2020 Yasuwe: 3737 0

Gasogi United na Heroes FC ntizizitabira igikombe cy’Amahoro uyu...

Ikipe ya Gasogi United na Heroes zazamutse mu cyiciro cya mbere uyu mwaka...
22 January 2020 Yasuwe: 2005 0