addresiya
Kigali
startimes

Abafana ba Rayon Sports bababajwe n’uko FERWAFA yabimye Stade Amahoro

Imyidagaduro   Yanditswe na: Dusingizimana Remy 15 May 2019 Yasuwe: 3312

Abakunzi ba Rayon Sports barakajwe cyane n’uko ishyirahamwe ry’umupira w’amaguru ryanze ubusabe bw’ubuyobozi bwabo bwo kwakirira imikino 2 isigaye kuri stade Amahoro kubera imirimo ngo iri kuhakorerwa itatangajwe.



Ku gicamunsi cyo kuri uyu wa Gatatu taliki ya 15 Gicurasi 2019,nibwo FERWAFA yasubije Rayon Sports ko ubiusabe bwo kwakirira imikino 2 isigaranye kuri stade Amahoro,butemewe ndetse iyi mikino yose bagomba kuyakirira kuri stade ya Kigali kandi ku masaha yagenwe.

Kuwa 06 Gicurasi 2019,nibwo Rayon Sports yandikiye FERWAFA iyibwira ko yifuza kwakirira Musanze FC kuri stade Amahoro saa kumi n’ebyiri ndetse ikahakirira Marines FC ku munsi wa nyuma wa shampiyona,ariko FERWAFA yateye utwatsi ubu busabe bwa Rayon Sports.

Amakuru aravuga ko stade Amahoro itaboneka amasaha y’ijoro kuko moteri iyicanira yapfuye,indi yaguzwe ikaba itarabasha kugera mu Rwanda mu gihe hari ibivugwa ko Stade Amahoro iri kuvugururwa kubera ko izaberamo ibirori byo kwizihiza umunsi wo kwibohora.

FERWAFA yafashe umwanzuro wo kwima Rayon Sports ikibuga kubera ko ngo nta wakwizera umuriro wa REG.

Abakunzi ba Rayon Sports barakajwe n’iki cyemezo cya FERWAFA ndetse bamwe babinyujije ku mbuga nkoranyambaga bemeza ko iri shyirahamwe ribogama kuko andi makipe yasabwe guhindurirwa ibibuga yabikorewe vuba na bwangu.

Mu minsi ishize Police FC yasabye kwakirira Rayon Sports kuri Stade Amahoro,FERWAFA ibiha umugisha ariyo mpamvu bamwe mu bafana bariye karungu.

Umukino w’umunsi wa 28 wa shampiyona Rayon Sports izakiramo Musanze FC uzabera kuri stade ya Kigali kuri uyu wa Gatanu saa 15:30.





FERWAFA yanze ko Rayon Sports ikinira kuri stade Amahoro

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble ok

    ntago byantangaje

    May 2019
  • chat_bubble hhg

    Ikibabaje nukudafata abana bose kimwe, icyogihe uba uri umubyeyi gito. ariko umwana wanzwe n’ababyeyi IMANA ihita imwitaho ikamukorera ibitangaza. wait and see.

    May 2019

Inzindi nkuru

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 5132 1

Umukunzi wa Cristiano Ronaldo yongeye guca ibintu kubera ifoto yashyize...

Umukunzi wa Cristiano Ronaldo witwa Georgina Rodriguez yongeye gutuma...
30 May 2020 Yasuwe: 6733 4

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 4045 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 2262 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1941 0

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 3421 4