Kigali

Abafana ba Real Madrid basabiye ikintu gikomeye umukinnyi Valverde wahawe umutuku bagatwara igikombe

Imyidagaduro   Yanditswe na: Dusingizimana Remy 13 January 2020 Yasuwe: 7319

Ntabwo bikunze kubaho ko umuntu akora ikosa bikamugira intwari ariko ibi nibyo byabaye ku musore Federico Santiago Valverde Dipetta w’imyaka 21 wakoze ikosa rikenewe cyane ku munota wa 116 ubwo yategaga rutahizamu Alvaro Morata wari usigaranye n’umunyezamu bikamuviramo guhabwa umutuku.



Abafana ba Real Madrid bishimiye ubwenge uyu musore yagize kuko uyu rutahizamu yari agiye gutsinda igitego cyari gutuma Real Madrid ibura igikombe cya Super Cup ariko ashyirwa hasi na Valverde.

Aba bafana basabye ko uyu musore muto yubakirwa igishushanyo cye [statue] ku kibuga Santiago Bernabeu ibintu bitarakorewe ibihangange byose byakiniye Real Madrid birimo Zidane,Cristiano Ronaldo n’abandi benshi.

Real Madrid ikimara kurokoka iki gitego yari igiye gutsindwa na Atletico Madrid mu minota mibi yahise itwara Super Cup itsinze kuri penaliti 4-1.

Nyuma yo gukora iri kosa ryatumye ahabwa umutuku,Valverde yasabye imbabazi Morata ati “Ndasaba imbabazi Morata.Ndabizi ko ibyo nakoze atari byiza ariko nta yandi mahitamo nari mfite.”

Bamwe mu bafana ba Real Madrid bagiye kuri Twitter basaba ko ubuyobozi bwakubakira uyu musore igishushanyo ku kibuga Bernabeu kuko ngo iki gikorwa cy’ubutwariyaraye akoze kidasanzwe.

Umwe yagize ati "Mwubakire igishushanyo Valverde inyuma ya Bernabeu."Benshi mu bafana bahise bashyigikira iki gitekerezo bandika ubutumwa bumusabira iyi ngororano.

Benshi bishimiye ko uyu musore muto yemeye guhabwa umutuku ariko ikipe ye igatwara igikombe ariyo mpamvu bamusabiye kumukorera statue gusa nawe yabyungukiyemo kuko yaje gutorwa nk’umukinnyi w’umukino.



Umutuku Valverde yahawe wafashije Real Madrid gutwara igikombe

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Youri Djorkaeff wahesheje Ubufaransa igikombe cy’isi 1998 agiye gusura u...

Uwahoze ari umukinnyi ukomeye mu ikipe y’Ubufaransa, Youri Djorkaeff,...
25 February 2020 Yasuwe: 972 0

#TdRwanda:Restrepo yegukanye agace ka 3 kanyuze muri Nyungwe,Biniam ahita...

Umunya Colombia witwa Restrepo Jhonatan ukinira ikipe ya Androni...
25 February 2020 Yasuwe: 1772 0

Umugore wa Kobe Bryant yareze kompanyi y’indege yahitanye abarimo umugabo we...

Umupfakazi wa Kobe Bryant witwa Vanessa Bryant yatanze ikirego mu rukiko...
25 February 2020 Yasuwe: 1105 0

Umukinnyi wa Liverpool yicujije ubugome yakoreye Lionel Messi

Myugariro wa Liverpool, Andy Robertson,yatangaje ko yicuza cyane kubera...
25 February 2020 Yasuwe: 3326 0

Ikipe ifanwa n’abakobwa bakurura abagabo kurusha abandi mu Bwongereza...

Ubushakashatsi bwakozwe n’ikigo cyitwa Free Super Tips ku makipe yose yo mu...
25 February 2020 Yasuwe: 3320 0

Robertinho yasembuye abafana ba Rayon Sports kubera ubutumwa yashyize kuri...

Umutoza Roberto Oliveira Goncalves do Carmo uzwi nka Robertinho yasembuye...
25 February 2020 Yasuwe: 9187 3