addresiya
Kigali
startimes

Abakinnyi b’abagore muri Espagne bigaragambije

Imyidagaduro   Yanditswe na: Martin Munezero 18 November 2019 Yasuwe: 1361

Imyigaragambyo y’abagore bakina umupira w’amaguru muri shampiyona y’icyiciro cya mbere muri Espanye kubera amakimbirane ashingiye ku mushahara, yatumye imikino yose yari iteganyijwe mu mpera y’icyumweru gishize isubikwa.



Hafi abakinnyi 200 bo mu makipe 16 batoye bemeza imyigaragambyo mu kwezi kwa cumi nyuma y’umwaka ibiganiro binaniwe kugira icyo bigeraho.

Barigusaba amasezerano ya kinyamwuga agenga uburyo bw’ibanze bw’imikorere, uburenganzira ku mushahara fatizo ndetse n’ibijyanye n’ikiruhuko cy’umubyeyi wabyaye.

Imikino yo ku wa gatandatu n’imikino itandatu yari iteganyijwe ku cyumweru yose yarasubitswe.

Ikipe ya UDG Tenerife ntabwo yigeze ikora urugendo yerekeza ku kibuga cya Espanyol.

Ni nyuma yaho urugendo rw’indege rwayo rwo ku wa gatanu rucyererejwe bikomeye kubera impamvu za tekinike, ariko iyo kipe yari yateganyije ko izigaragambya ku wa gatandatu.

Mu itangazo yashyize ku rubuga rwayo rwa internet, iyo kipe yavuze ko "yubaha icyemezo cy’abakinnyi cyo gushyigikira imyigaragambyo".

Yongeyeho ko bizeye ko amasezerano ashobora kugerwaho "ku bw’umupira w’amaguru w’abagore ndetse n’abazawukina mu gihe kizaza".

Amakipe ya Levante na Sporting de Huelva yatangaje ubutumwa ku mbuga nkoranyambaga yemeza ko umukino wayo utakibaye nyuma yaho "amakipe yombi afatiye icyemezo cyo kwifatanya n’imyigaragambyo".

Ku cyumweru, imikino hagati ya Athletic Club na Tacon, Real Sociedad na Barcelone, Real Betis na Sevilla, Valencia na Atletico Madrid, Deportivo na Logrono ndetse n’uwa Madrid CFF na Rayo Vallecano yose yarasubitswe.

Videwo igaragaramo abakinnyi bakomeye, barimo umunyezamu Ainhoa Tirapu wa Athletic Bilbao na mugenzi we Silvia Meseguer wa Atletico Madrid banakinana no mu ikipe y’igihugu ya Espanye, yatangajwe ku mbuga nkoranyambaga n’ishyirahamwe rya Espanye ry’abakinnyi b’umupira w’amaguru.

Muri iyo videwo, bavuga ko bari kurwanirira abahoze ari abakinnyi, abakinnyi b’ubu ndetse "n’abandi umunsi umwe bazaba bari mu mwanya wacu [bakina umupira w’amaguru]".

Icyo gikorwa cy’imyigaragambyo cyashyigikiwe n’abakinnyi bagera kuri 93% bakina mu makipe 16, mu nama yabereye i Madrid ku itariki ya 22 y’ukwezi kwa cumi uyu mwaka.

Amakipe arasaba ko umushahara fatizo waba ama-euro 16,000, ariko amashyirahamwe ahagarariye abakinnyi agasaba ko uba nibura ama-euro 20,000.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Bruno Fernandes yavuze amagambo asingiza bikabije Cristiano Ronaldo...

Umunya Portugal, Bruno Fernandes ukinira ikipe ya Manchester United...
27 May 2020 Yasuwe: 774 0

RIB igiye gukora iperereza ku bibazo bya ruswa no kunyereza umutungo...

Urwego rw’igihugu rw’ubugezacyaha[RIB], rugiye gutangira iperereza ku birego...
27 May 2020 Yasuwe: 1553 0

Akayabo Kiyovu Sports yahaye Kimenyi Yves agatera umugongo Rayon Sports...

Umunyezamu wa mbere w’ikipe y’igihugu,Amavubi,wari umaze umwaka mu ikipe ya...
27 May 2020 Yasuwe: 3253 1

Munyakazi Sadate na komite ye bahagaritswe ku mirimo yabo n’umuryango wa...

Umuryango wa Rayon Sports uhagarariwe na Bwana Ngarambe Charles ndetse...
25 May 2020 Yasuwe: 3010 0

Munyakazi Sadate yandikiye Perezida Kagame amusaba kumufasha gukemura...

Umuyobozi w’ikipe ya Rayon Sports,Munyakazi Sadate yandikiye Nyakubahwa...
25 May 2020 Yasuwe: 3168 0

KNC yatangaje igihe ikipe ye ya Gasogi United izatangira gukinira kuri...

Umuyobozi w’ikipe ya Gasogi United,Kakooza Nkuriza Charles uzwi nka KNC...
25 May 2020 Yasuwe: 3206 0